شحالكم حريم المنتدى
رابط الموضوع الاول
https://forum.uaewomen.net/showthread.php?t=834181
بصراحه مستانسه جدا من ردودكم
يعلم الله ان احيانا كلمه توصلك للسما فرحه
وكلمه توصلك للقاع من القهر..
وانا اسفه بخصوص البنات الي يتريون تكملته ؟
مافي تكمله الموضوع كامل بأول صفحه وأول ردين
والسموحه يمكن كلمه يتبع سوت هالسوء الفهم ,,
وهالشي خلاني اكتب المووضوع الحين
ثانيا يعلم الله انه ماكان عندي نت في بيت ريلي وبحكم انه من اماره
بعيده عن امارتنا فما احصل وقت فبيتنا ايلس ع المنتدى وايد سامحوني
الي طرشو رسايل ومارديت ع احد انا جدا اسفه
وممتنه لكل وحده تبا تتطمن علي
اخذت كلامكم ونصايحكم بمحمل الجد
ولا رد واحد فالموضوع السابق شجعني اتطلق
راجعت نفسي.. انا غلطانه بهالفكره!
ماطلبت الطلاق
صبرت صبرت صبرت ضغطت ع نفسي وااااااااااايد
رديت لجدول العباده ورديت لنفسي
صحت تعبت انهرت فكرت انتحر والعياذ بالله
انا فالنهايه انسانه وبعض المشاكل بغض النظر عن تفاصيلها
توصلنا لمرحله الانهيار والاوعي!!!
خصوصا اني كنت ف مرحله الحمل
ومغتربه في اماره بعيده عن اهلي وناسي
بس كنت ناااااااااااااااااااااسيه نفسي وهني كان الغلط
من ناحيه الدين ومن ناحيه الاهتمام بالنفس !
حاولت اتواصل مع صديقات لي فقدت اكثرهن بسبب انشغالي
بالزوج والحياه الزوجيه!
اشتركت فالجيم ..
اشغلت نفسي بقراءه كتب وروايات بعضها مفيد وبعضها مضيعه للوقت
ومر الوقت واناا اتخبط بين هذا وذاك
وربيت الحمدلله ..
المشاكل العائليه خصوصا من صوب العمه مانتهت
واخر مشكله قبل شهر اتهمتني بالسحر والعياذ بالله !
والله قهرررررررررر يوم الريال يحب زوجته ويسمع كلامها
ويحترمها ويقدرها قالو سحر وربي غصه فالقلب
والمشكله انه مادري كف صدق هالكلام وهالشي جاني صفعه على الوجه!
بس طبعا استدرك الموضوع وتم يعتذر على هذا الشك
انا مالومه لو اقتنع
دام والدته واهلها يزرعون هالشي فيه
وهو انسان والله مالومه لاحول ولاقوه الا بالله
وبخصوص الي يقولون لي سكني ف بيت بروحج
ماقدر وربي صعب ..قالها رييلي بصراحه مانقدر نسكن ف بيت روحنا
عالاقل حاليا بحكم انه البكر واهله متعلقين ف ولدي ..
والحمدلله الحياه مااااااشيه .ومستمره
وعايشين والي يصبرنا قوله تعالى (وبشر الصابرين)
الله ييكتب لنا الخير ويسهل امورنا ويسخر لنا ازواجنا
سبحانك اللهم وبحمدك اشهد ان لا اله الا انت
استغفرك واتوب اليك
وينزل عليج رحمتة وتوفيقة وخيرة ويحفظج وبيتج بحفظة ويجعل الفرح فالج وفالنا والمسلمين اجمعين ..
خليج صابرة الصبر عبادة من عبادات الله نهايتها الخير والاحسان من رب البرية ..
و عافِنا فيمَن عافيْت
و تَوَلَّنا فيمَن تَوَلَّيْت
و بارِك لَنا فيما أَعْطَيْت
و قِنا واصْرِف عَنَّا شَرَّ ما قَضَيت
سُبحانَك تَقضي ولا يُقضى عَليك
انَّهُ لا يَذِّلُّ مَن والَيت وَلا يَعِزُّ من عادَيت تَبارَكْتَ رَبَّنا وَتَعالَيْت
فَلَكَ الحَمدُ يا الله عَلى ما قَضَيْت
وَلَكَ الشُّكرُ عَلى ما أَنْعَمتَ بِهِ عَلَينا وَأَوْلَيت
نَستَغفِرُكَ يا رَبَّنا مِن جمَيعِ الذُّنوبِ والخَطايا ونَتوبُ اليك
وَنُؤمِنُ بِكَ ونَتَوَكَّلُ عَليك
و نُثني عَليكَ الخَيرَ كُلَّه
ربنا افرغ علينا صبراوثبتاقدامناوانصرناعلى القوم الكافرين ,,
ربييصلح احوالكم مافي بيت خالي ..