السلام عليكم أشحالكم الغاليات…اخر مره حطيت موضوع فيه تصاميم اغلبها فساتين وفيه بنات طرشولي عالخاص يبون تصاميم جلابيات للمناسبات وبحط فهالموضوع تصميم مع أفكار للتنفيذ والسمووحه منكم الغاليات ماقدر احط تصاميم أكثر عن جيه….واتمنى انكم تستفيدون ومابي غير دعوه حلوه منكم….
ملاحظه:لاأحلل من تنقل الموضوع لمنتدى أخر أو تنسب الصور لنفسها أو تستخدمها للاغراض التجاريه….
بسم الله نبدأ:
أولا هذا التصميم عباره عن قطعتين واذا تنفذ صح راح يكون ستاااايل وفخم.وأهم شي الدقه فتنسيق ألوان القماش..
1_القطع المستخدمه:
حرير مشجر وبتكون القطعه اللي تحت+بليسيه حرير أو شيفون ساده وهي القطعه اللي فوق…
2_ألون القماش:
أنا رسمتها على قماش زيبرا وبليسيه أحمر…
ممكن تختارين..زيبرا مع أزرق..زيبرا مع فوشي.. تايجر مع ذهبي…تايجر مع أزرق..تايجر مع أحمر…وأنتبهوا ترا قماش التايجر أنواع وألوان يعني أهم شي تنسيق الالوان…….وممكن تختارين قماش حرير مشجر بس التايجر او الزيبرا يبرز الموديل أكثر…وبالنسبه للبليسيه ممكن الخياط يسويلج او تاخذين قماش وتكسرينه عند المحلات اللي يبيعون أدوات خياطه……
3_الدائره اللي بالنص:
هذي ممكن يكون تطريز مع الشك بالخرز وكريستال شواروفسكي وممكن ادخلين معاها حلقات معدنيه وأهم شي تنسيق الألوان….والموديل من ورا نفس اللي جدام بالضبط….وعالاكمام خطوط من الشك الخفيف نفس دزاين الدائره..وممكن تحطين سلاسل فيها بعد بيطلع راقي…..
أتمنى أن الفكره وصلت للجميع…وأي أستفسار أنا حاضره بس يكون عالعام…..
يبالج تبدين وانتي تنفذين
والله يوفقج
ماشاء الله علييييييييج^^
نتريا حد يتبرع ويطبقها لنا.. نبا نجوفها live>>
^^
تسلمين الغاليييه
ونتريا المزيد 
<< طماعه
افكارج وااااااااايد حلوة