يوم شوقاني تدخل المطبخ شو يستوي خخخ حياكم بناتات وحريمات

اشحالكم شخباركم شو مسوين طيبن الحمدلله <—– خلصي
عاد اللي يعرفني يعرف اني لام اهذرب وايد قبل لا احط الموضوع فا ستحملوني
اليوم الله يسلمكم دشيت المطبخ اوني يعني بتفنن وجيه
فكرت وفكرت وفكرت
واخترت اخيرا صينية اللحم بالبطاطا والباشميل <— كل هالاسماء عاد
الموهيم فبديت ونبدا بسم الله بالمقادير

الوجبه اللي سويتها بهالمقادير تكفي لسته او سبع اشخاص

1لحم مفروم نغسله عدل ونضبطه ونحطه بصحن
2طماط مكعبات ودوائر
1بصل متوسطه
1باذنجان نقطعه دوائر ونقليه
1بطاط نقطعه دوائر ونقليه
صلصة بشاميل وانا من الناس اللي ما تعرف تسويها فاستعنت بصلصة كنور
تحيه حق كنور خخخ
صلصل
ماي

يالله شمرو عن ايدكم ونبدا بصلصلة البشاميل
طبعا كل الطريقه مكتوبه ع الظرف من برع <— زين انج اعترفتي خخخ
وهاي اخر شي لما استوت طبعا ولا مره سويتها وضبطت <—- لا تضحكون كله اخربط بمقياس الماي الا اذا كانت اميه فديتها عدالي خخ

طبعا نسويها بمال البيض عسب لا تتكسر ونحن نحركها عرفتو <— معلومه يديده

الموهيييييم
اكمل لكم السالفه وهني يالسه اقلي البطاط

طبعا ما يبالها شطاره حطو زيت عااااافيه وانطرو يسخن وبعدين حطو البطاط عليه

نكمل المشوار

خدامتنا حشرتني صوري كله صوري كله اففففف حشره قمت صورت لها علشان ما تعور راسي

الحين نروح ونسوي الحميسه مالت اللحم <— عيبتني الكلمه احسها فنتق خخخ

يالله يا شطورين الحين نحط البصل والطماط ومرقة الدجاج او اللحم وفوقهن اللحم والصلصل والملح ونخلطهم كلهم خلييييييط لين يتأدبون <— خخخخ
طبعا لا تنسون البهارات والملح <— اعترفي انج ما حاطه ملح

والحين بعد ما خلصنا الخلطه

نبدا نظبطها ف صينيه زجاج وعلى قولة خدامتنا قدجاز <— اموت واعرف في اي دوله اشتغلت وعلموها هالكلمه خخخ

نحط شوية بشاميل على الويه

عقب نحط خلطة اللحم

عقب نصف البطاط والباذنجان والطماط

واخر شي نسكب صلصة الباشميل على الويه

الحين نحطها ف الفرن يحتاي نص ساعه علشان تحت تنشف شوي ومن فوق تحمر الصلصه

وبالعااااااااافيه على قلوبكم
تقدرون تاكلونه بالخبز وطعمه لذييييييييذ