يوميات " الـدمـانـي " بعد التخلص من 13 كيلو

شحالكم يا خواتي الحلوات والرشيقات قرييييييبا ان شاء الله ؟؟

انا بديت الدايت تاريخ 2-2-2019 الى 31-3-2019

شهرين من التحدي والاحباط احيانا والملل احيانا اخرى والسعاده والفرح اغلب الاحيان خاصه بعد ما اشوف الوزن

وفنفس هالفتره دخلت نادي رياضي احس حتى روتين حياتي تغير ولله الحمد احسني استعدت اللياقه الي كنت فاقدتنها من سنه تقريبا صارت قوة تحملي اقوى وارادتي اقوا واقوا والله يا بنات ساعات صرت اشوف اصنااااااااف كل ما تشتهي النفس ولا حتى يدش خاطري

احس الحمد الله ارادتي اقوا من كل انواع الاكل وزوجي هو السبب الاول فستمراري لانه يشجعني اول باول ويحسسني انه معاي لدرجه ساعات ياكل من اكلي ^_^

ما احرم نفسي من طلعاتي مع ريلي بس اتم محافظه اكل اي شي ضمن الرجيم او ساعات استبدله بشي ثاني يوازيه او اخف منه والحمد الله استمتع بالطلعه

حسيت بفرق كبير فاشياء وايد فحياتي

والحمد الله رب العالمين الي اكرمني بهالصبر

اول شهر ما كسرت الرجيم ولا مره

من دخلت ثاني شهر للرجيم بديت اكسر وجبه وحده بعد ما اوزن ومره وحده فالاسبوع والحمد الله لين الحين ما احس لها اي تاثير على وزني بالعكس وزني دايما ينزل لو ساعات النزول يكون كيلو بس لكني اكون فرحانه واقول فخاطري احسن من ولا شي

هالاسبوع كيلو والي عقبه كيلو وان شاء الله شوي شوي بيخلصن الكيلوات كم طاف من الوقت بدون ما احس فيه حتى هالوقت بيطوف الحمد الله

جني طولت عليكم وايد وهذربت وايد ^_^

هالموضوع حبيت افتحه عشان احسس نفسي اني باديه من اول ويديد بعد ما انتهيت من الميه والتسعينات ولله الحمد والشكر

ابا حماسي يزيد كاني اول اسبوع باديه رجيم

وادري انكم ما بتقصرون ^_^

رحلتي الاولى بدت وكان وزني 100.8 وصار 88.1

يعني فالشهرين الي طافو نزلت 12.7 يعني 13 كيلو تقريبا

ورحلتي هذي مب طمعانه باكثر من جي ^_^

بس ببذل كل جهدي