شحــــــــالكم ؟
انا بــديت يومياتي معــــــــاكم في موضــوع
نحـــو تحقيق الحلم تحدي بين بنات العم
https://forum.uaewomen.net/showthread…=638459&page=4
طبعا وايد حبيت الفكره وساعدتني واايــــــــد
الحمد الله نزلت تقريبا جريب 4 كيلوو .. خلال فتره حلوه
كنت فوق الـ 75 وصرت تحت الـ 75 
بس حبيت افتحلي موضوع مستقل ..
بعطيكم نبذه عني
مواليد 1990
ادرس فالكليه
single
وبسس
وان شاء الله بلتزم معاكم لـ ما اوصل لاهدافي
اهدفي الاول اوصل 70 بالضبط
والثاني 63
والثالث والاخير 58
طبعا نظامي يعتمد على التخفيف + الرياضه
واحاول ما احرم نفسي وايد
_ احاول اكثر من الشاي الاخضر والزنجبيل
_احاول امشي كل يوم ساعه تقريبا
_ يعتمد اكلي على السطات والفواكه اكثر شي
_ بضيف الايربكس قريبا ليومياتي
_ احاول اكثر من الانناس والكيوي
_ والماي لازم كل يوم اكثر عن 1,5 لتر
فكره حطيتها في موضوعي الاول
حطيت اللاب جدام جهاز .. واتابع مسلسل .. مرات حلقتين اكمل ومرات حلقه ونص
وهالشي وايد ساعدني انا بدون اللاب ماروم اكمل 10 دقايق .. بس بهالفكره صرت اكمل ساعه
مممممم
ان شاءلله بتشوفون يومياتي اول بأول
واشكر كل إلا شجعوني في موضوعي الاول
واترقب متابعتكم ونصايحكم وملاحظاتكم
.
.
ولا تنسون تدعون لي
.
(يــــــــــــــــومي الاول )
يوم الاثنين
9-2-2019
تريقت على ساعه 10:00 سلطه فواكه .. تتكون من كيوي وانناس وفراوله وعنب وبابي ( بس البابي تجنبته وما اكلته )
على ساعه 2:00 تغذيـــــــــــــت
تبوله + سلطه
على ساعه 5:30
شربت كوب شاي اخضر
على ساعه 7:30 تعشيـــــــت
سندويجه صغيره من سب وي على خضار + عصير انناس وكيوي بدون سكر
على ساعه 11:45
مشيت على جهاز المشي لمدت ســـــــاعه
وحاولت ألعب بوكسن وان امشي وان شاء الله افييد لاني وايد متعقده من ايدي من فوق
الماي :- خلصت 2 لتر
.
.
تاريخ 10.2.2019
ماتريقت
على ساعه 12:00
شربت قلاص حليب قليل الدسم + بسكوت 4 قطع مدوره صغيره
على ساعه 3:45
تغذيـــــــت
( ها الورق عنب إلا محطوط على السفره مب كله اكلته )
كان غذاي سلطه + 6 حبات ورق عنب و3 حبات بطاطا إلا مع الورق عنب + ملعقة ثريد
على ساعه 5:45
شربت كوب شاي اخضر الوزه
على ساعه 8:30
تعشييت
قطعه وحده كبيره شوي بييتزا + سلطه فواكه تتكون من (اننناس وكيوي + تفاح اخضر + كمثر+ رمان )
على ساعه 11:30
شربت كوب شاي اخضر الوزه
على ساعه 11:45 مشيت على جهاز المشي
45 دقيقه صورت بس مانزلت الصوره ههه
الماي 2 لتــر
.
.
هذا يومي امس
وان شاء الله اليوم بلتزم اكثثر .. معنى اعتقد اليوم معزومين على الغذاء
لاتنسون تدعون لي واتريا تعليقاتكم ونصايحكم
فديتج سامحيني اكيد اتقولين وينها ما طرشت السي دي … المندوب ما كان يمر عليه . واخر شي انشغلت ونسيت .. والبارحه تذكرت سويت السي دي بشوف متى يمرني المندوب بعطيه ….
بخصوص يوميياااتج حلوه بس حااولي قد ما تقدرين …
انج تمشين في هالوقت ما بين الساعه 4 – 7 لان جسمج بيحرق اكثر من الاوقات العاديه ….
وفديتج ليش ريوقج كله سلطه مستغربه منج لوووول .. حاولي تاكلين اكل غير يعني بيض خبز جبن جام هههه يعني اشيا ( ريوقيه ) ….
والغدا كلي اللي تبينه ويا سلطه …
والعشا حاولي تنسين الاشيا الثجيله يعني سلطه ولا سندويجه بسيطه .. او سلطه فواكه او روووب بس بتشبعين …
وفديتج بخصوص الفواكه اذا كلتي عقب العشا حاولي انج اتحطين ساعه عقب تاكلين .. لا تاكلينهم عقب العشا على طول او عقب الغدا .. يعني فرقي بالساعه او الساعتين … ^ـ^ …
وكلوووو تمام التمام ..
يعني وزنج كان 75 والحين 71 ؟ لان قريت انج نزلتي 4 كيلو .. !!
ان شاء الله انتابعج ..
ربي يوفقج ^____^