يعطوونهم موعد ويطنشوون والنتيجه والعياذ بالله .؟

السلام عليكم والرحمه
شحاااااااااالكم كروووشات ؟؟ الله يسهل علينا ونشوف ببيهاتنا بصحه وسلامه يارب
انا اول مره اكتب موضوع في هالقسم بس دومني موجوده هني خاصه من حملت تعرفون لاااازم نستفيد ونفيد
المهم حبيت اكتب نصيييييحه لكل حامل ولكل حرمه اذا الله رزقها وحملت وهي الطلق الصناعي للي ماياها طلق طبيعي او بالاحرى للي دشت العشر >> عوشرت<<انا عن نفسي كنت راااافضه فكرت ان الوحده تسير تظرب طلق صناعي وهي مافيها ولاده اقول ليش تستعيل ترا الولاده بتييها بتييها للعلم انا ماقد عوشرت بس في ولادتيني ظربت طلق صناعي بسبب تاخر فتح الرحم بس كان فيني طلق طبيعي يعني انا هني حالتي غير ..نرد للي دخلت العاشر وعطوها موعد طلق صناعي طبعا اغلب البنات يرفضون ويطنشون الموعد ولا يسيرون لانهم بختصار مثل تفكيري وخاصه اللي عندها حرمه كبيره امها او عمتها او اي وحده طبعا رايها لاااااااااا والف لا ..خليج وامشي وشربي من هالخلطات لين تييج الولاده والدكاتره ظربي كلامهم بعرض الحايط ع قولتهم خخخخ
انا كان هذا راييي مثل ماقلت بالاول بس عقب حالات عندنا فالعايله وعن تجرب غيرت رايي مليووووووون بالميه لاااااااااازم الوحده اول ماتقولها دكتورتها سوي طلق صناعي لااازم تسويه نصييييييحه يابنات لا طنشون كل تاخير يكون عكسي لج ولصحتج انتي والبيبي
1_تقل المويه حول الجنين
2_يكبر حجم البيبي خاصه فالايام الاخيره يكبر بشكل سريع
3_تشيخ البشيمه عندج
4_تتعبين ومايكون فيج طاقه اثناء الولاده
5_المويه اللي حول الجنين يتغير لونها وتصير مايله للاخضر لانها طولت وخطر البيبي اثناء الولاده يشربها
هذي احتمالات واااارده وطبيعيه
بس انا بخبركم بتجارب حريم عندنا فالعياله الله يسلمكم بنت اختي حامل باول بيبي المهم عدا موعد ولادتها واتصلوا عليها وقالولها لازم تيين نظربتج طلق صناعي قلنالها طنشي ومن تييج الولاده سيري ماعليج من رمستهم هي طنشت وعدت فوق التاسع باسبوعين وياها الطلق سارت المستشفى واحتشروا انها طنشتهم المهم قالولها لازم نفتح الماي بنشوف لونه وطبعا فتحوا الماي وكان اخضر ع بني صدق كان لونه يلوع الجبد امبين انه معفن.. وكميه الماي كانت واااااايد قليله هذا الشي اللي خوف الدكتوره قالت الماي لونه متغير وكميته قليله.. وتم الطلق يروح وايي وينفتح الرحم عندها بس بشكل بطيئ المهم عطوها طلق صناعي وانفتح الرحم عندها 10 سانتي قالولها يللا بوش وماشي فايده البيبي مانزل وتم اوكسجين البيبي ينزل بشكل سريع ودقات قلبه تنزل ع طول قرروا عمليه لانه اكثر من ساعتين وهي فاتح الرحم 10 ومانزل البيبي وسووا عمليه والصدمه كانت حجم البيبي عوود وزن البنوته 4كيلو وميتين وهي بكر تخيلوو والله اني اول ماشفتها بعطيها 5 كيلو وااايد كبيره وراسها عود مع انها في اخر التاسع كان ونزها 3 كيلو ونص بس فالايام الاخيره زاد وزنها بسرعه
شو استفادت غير انها طنشتهم وفالاخير تعذبت طلق طبيعي + طلق صناعي + عمليه ونحن بعد تعذبنا وياها اكثر من 15 ساعه فالولاده هذي تجربه وشوفوا نهايتها
التجربه الثايه باختصار دخلت العاشر وطنشت موعد الطلق ومن ياها الطلق سارت وتعسرت بالولاده لانه البشيمه شاخت عندها المهم ربت بعد عذاب وسولها تنظيف يعني هلكت الحرمه وتعذبت بعد الولاده وع طول وهي تحس بويع في ظهرها وتسير للمستشفى ويقولها مافيج شي ويزيد الويع في ظهرها وبطنها سافرت بانكوك وسوت فحوصات وقالولها انتي مربيه من فتره ؟؟قالت هيه قالوا عوشرتي؟؟ قالت هيه قالوا للاسف عندج بدايه سرطان فالرحم والعياذ بالله لانه بقايا من البشيمه لصقت بجدار الرحم وتعفنت وتسببت فالمرض الخبيث الله يشفيها ويشفي جميع مرضى المسلمين
فاحبيت اني اكتب هالموضوع لاني انا اكثر وحده مدهوووشه اشياء نتهاون فيها وبالاخير نندم بعد فوات الاوان ودايما كلام الدكاتره هو الصح ولازم نسمع نصايحهم وناخذها بعين الاعتبار ومن تييج حرمه وتعطيج نصيحه مني والدرب طنشيها ولاتفكرين في كلامها لانه كلام عيايزنا الله يطول في عمارهم مرات يودينا في دواهي خاصه انه عيايزنا وشوابنا عندهم مشكله ويا كلام الدكاتره خخخخخخخ مادري ليش؟؟؟؟؟؟ دوم ينتقدونهم ويكذبونهم ويطلعون عمارهم اهل خبره وانه كلام الدكاتره خريط خخخخخخ
انا مابا منكم غير دعوه حلوه لي ولعيالي ولريلي
بس والله حبيت انصحكم من قلبي لاتندمون بعدين والله يبعد الشر عن كل مسلم مسلمه

للرفع

شكرا على النصيحة

مشكورة ع النصيحة

بس الكل يخاف من العملية عسب جي يطنشون

عن نفسي عمري ماطنشت مواعيدي بس حظي جي دوم يولدوني قيصري ربي كاتب لي الحمدلله ع كل حال

وفيه بنات يطنشون والله يسهل عليهم وماتستويلهم مضاعفات الحمدلله

يعني كل وحدة وحظها وكل شي مكتوب بعلم الغيب فديتج

تسلمين فديتج

انا ما اتكلم عن العمليه اتكلم عن الطلق الصناعي حتى العمليه مايصير يطنشون لاسمح الله يصير فالبيبي شي بتندم طول عمرها
والغيب عند ربنا والنعم بالله بس لازم ناخذ احتياطنا وشي واضح ونتيجته مظمونه اخير من شي ماندري شو نتيجته وفالاخير اللي كاتب ربي يصير
والله يسهل عليج حياتج ولاتندمين ع شي قد فات وكلي امرج لرب العالمين