يدار الغرفه اخترب بعد ما حاولت اشل الاستكرات من عليه

السلام عليكم

خواتي فيه حد مر عليها انها لصقت استكرات على اليدار و يوم يات تبا تشلهم ينشال وياهم الصبغ — لان انا جيه استوى لي و متوهقه — ما اعرف كيف ارد اصبغهم لان ما عندي هاللون و اصلا مب الصبغه بس الي تنشال حتى الجزء الي كان عليه الاستكر — حد يعطيني حل بارك الله فيكم لان السالفه ما تستاهل اييب صباغ و يصبغ لي الغرفه من اول و يديد بارك الله فيكم

ما فيها شي روحي الصناعية

عند محلات الصبغ

وخذي المعجون إلي يخفي العيوب ويرقع الفتحات والشقوق يمكن على 20 درهم والمشحاف إلي بيساعدت على توزيع المعجون على 10 دراهم

وإذا عندت عينه من لون الجدار راعي المحل بيطلعلت ألوان بالكمبيوتر والعلبة الصغيرة على 25درهم

وأي إستفسار ثاني أنا حاضره

آآآآآآآآآآآآآآآآآآآآآآآآآآآب

جزاكم الله خيرا اخواتي — لكن انا احسها صعبه اسوي الخطوات هاذي كلها لان ما عندي خبره — يعني ما في طريقه اسهل بارك الله فيكم

المساحه اللي انشال منها الصبغ كبيرة ولا صغيرة؟ !!

اذا صغيرة .. انا بخبرج شو تسوين

انا طريقتي في شل الاستكرات من اليدار او الباب …..

1- اييب الاستشوار واسخن الاستكرات من بعيد شرات ما انشف شعري انتي سخني الاستكرات
2- شليه بالملقط لانه بيكون حااار بتنحرقين شراتي هههههههههه

وهاي الطريقه استعملها لكل شيء حتى السعر يوم يكون على الاغراض اسخنه واشله
والطوابع المدرسيه اشلها بعد بهاي الريقه من الكتب ……………..

اتمنى من الكل يستفيد من تجربتي

انا كنت ناويه استخدم استكرات الجدران في بيتي اليديد بس عقب الي قريته منكم …… لا والف لا….