قبل لا أدخل في الموضوع، أوضح انه هالكلام مش موجه لشخص معين،،
أتكلم بشكل عااااااام
شوفوا يا خواتي،
دوم اقرا الأخوات يشّكون من الغلاء و انه المكياج غالي و الفستان غالي و انه المهر ما يكفي حق تجهيزاتهم،،، الخ..
طيب كيف ما تبون السعر يكون غالي يوم انتوا من الأساس اتدورون الشيء غالي؟؟؟
تبوني أوضح طيب،، شوفوا هالمثال.
-===-
المثال الأول:
العروس: ماشاءالله الفستان يجنن،، وااااو، خلاص أباه،، على كم الايجار
البائعة: الايجار ب7000 درهم والفستان يالله يالله ملبوس مرتين
العروس: الله يجنن السعر ،، أوكي خلاص بأجره،، بس مممم منو المصصم العالمي اللي مصمم الفستان
البائعة: مب مصمم عالمي،
العروس: لا لا خلاص ما أريده، أبا فستان من مصمم مشهور نفس مايكل و و و
البائعة: طيب أختي بس السعر بيكون غالي ، يعني الايجار ب 19000 درهم و 15000 درهم
العروس: اففف شو ها سعرج وايد غالي،،
——-
المثال الثاني:
العروس: ياربي سعر الذهب وايد مرتفع والحل
صديقتها : طيب خذي طقم كبير حلو وبسعر مناسب وايد بتحصلين
العروس: لا بس الألماس وااايد غالي الحين
صديقتها : طيب مب لازم الماس
العروس: لا مايستوي عرسي لازم ألبس طقم كبير ألماس
—
ياخوااتي ترا التبذير منكم و مش من المحلات ، فلا تقولون كل شيء غالي،،
بتحصلون أشياء وايد حلوة بأسعار مناسبة،، بس ابتعدوا شوي عن (السموحة على هالكلمة )،"الخقة"
يعني لازم الألماس و لازم فستان من مصمم عالمي؟ ولازم الكرت من المحلات المعروفة؟
عشان جي المحلات يقصون علينا نحن المواطنين لأنهم يعرفون انه بنسير حق الشيء الغالي ، ولو مب أنا وانتِ بنشتري من عندهم 1000 غيرنا بيشجعهم على رفع الاسعار
المهم هذا رايي الشخصي في الموضوع،،
وأتمنى محد يزعل مني،، أعرف والله انه العرس أحلى ليلة عند العروس و الكل يحلم في عرس خيالي،، بس ترا والله الوحدة تروم تخلي عرسها أروع عرس بدون ما تصرف وايد..
وفي منهن مايرتاحن لشي الرخيص او اللي سعره مناسب على بالهن لو كواليتي ومب شي
وعن المكياج بنطوفها لانه شي بنات واايد يعدلون حلو وبسعر ارخص من غيرهم بوايد
لكن عن الذهب ترا الذهب صدق صدق صدق استوا غالي يعني مثلا العام جفت طقم وكان على 11 الف والله انصدمت جفته نفسه وبنفس الوزن الحين ب 24 الف مب حرام ترا الغرام كل يوم يزيد والعروسه تلحق والا تلحق يعني شو بيصفيلها من بيزات الزهبه لو طقم بس خذته بها السعر …. مب سالفه الماس ولا غيره لو خذت الحين الماس بتصرف بيزات الزهبه كلها عليه
والشي الثاني الفستان ترا قبل سنتين انا اجوف فستان رهييييييب وشغل مصمم عالمي وبعد اول لبسه على 9 او 10 الاف الحين عاد الفستان المكدود كد واللبسه اللي ما يعلم بها غير رب العالمين بتحصلينه من 14 الف وفوق يعني بعد زادت اسعارهم
وحتى اللبس وكل شي ترا ما بتحس بها المعاناه الا العروس وبس لانه هيه اللي تلاحظ الفرق لانه الاسعار تفرق من سنه لسنه يعني لو مثلا وحده عرست العام بتقول حق اللي بتعرس ها السنه ها البيزات تكفيج لكن هيه ما تدري انه جرام الذهب مثلا كان يوم هيهي تتزهب كان 88 درهم والحين ب 130 يعني فيه فرق اكيد
المواطنين مستغلينهم من كل النواحي
وين نسير يستغلونا يتحرون عدنا بترول في بيوتنا
والذهب أسعاره نار
وكل عروس تتمنى عرسها احلى عرس وزهابها احلى زهاب
بس الحمد لله على كل حال
ويمكن العروس يوم تلزم ع الشي الغالي مب خقة
كثر ما تكون شاغله بالها النوعية الممتازة اللي ما تفشل
الله المستعان