يا بخت من وفق رأسين بالحلال

هالبنت من نفس عمرنا تقدم لها واحد ما عليه كلام خلوق وزين والكل يشهدله

لكن المشكله هو من جنسيه عربيه امه مأخذه مواطن وعنده خوان مواطنين بس هو ما عنده جنسيه لكن عايش بالدوله ومولود فيها حتى عاداته وتقاليده رمسته نفسهم بالضبط ابدا ما يختلف عنهم حتى الي يشوفه ما يفكر انه مب مواطن …

زين لما تقدم لها اهلها رفضوه بالمره قالوله لازم تييب الجنسيه اول بعدين بتأخذ البنت ..والكل رفض بس واحد من اهلها كان عادي عنده يقول ماشي فرق بينا ودام هو ولد ناس ..والحين هو يرمسهم ويحاول ييب اي جنسيه من دول الخليج ومب عارف كيف …

بنات شو رايكم بالموقف انا قلت لها لو اخذته بتكون عيشتهم صعبه شوي ..؟؟
وهل ممكن يأخذ اي جنسيه بسرعه والي تعرف تفيدنا ويعطيكم العافيه ..؟؟

يعني في احد يقدر يساعد بهالموضوع ويا بخت من وفق رأسين بالحلال ولكم الشكر ولاجر من رب العالمين ..

ملاحظه البنت نفس الشي قالت صعبه تأخذ من جنسيه عربيه بس اذا اخذ جنسية اي دوله خليجيه هي موافقه ^_^

والسموحه منكم بين كل فتره احط مشكلة وحده من هالبنات عسى ربي يفرج عنهن ((صايره احل مشاكل )) هههه

والسموحة منج فديتج

ماعليه أختي .. بالنسبه للجواز ما أدري الغاليه لأنه الريال مب شرات الحرمه يعني الحرمه تاخذه عن طريق الزواج وبسهوله في دول الخليج
بس الريال الوافد خاصه العازب وااااااايد يطول لين يطلعله جواز أي دوله خليجيه إلا بشروط معينه عندج البحرين مثلآ لازم يكون عايش فالبلد عالأقل من 15-30 سنه
وعمان ما أعتقد تجنس والكويت بعدها ماحلت مشكلة تجنيس البدون وهي تعطي بس يباله كم سنه
والإمارات مستحيل واحد مب معيل يتجنس وإذا كان معيل ترا القانون مب شرات قبل 30 سنه أي حد تجنسه لا تغير لازم يكون عنده شهاده مثلآ مهندس دكتور شهادات كبيره يعني
هذا بخصوص الجواز

أما بخصوص الزواج الله يوفقها للي فيه الخير
أنا أقول خليها تستخير وإذا الله كاتب لها هالإنسان بتاخذه ولو مب كاتب تراه مب نصيبها