خواتي الغاليات انا منبهرة من مشاركاتنكن وتعاونكن واسلوبكن الراقي مع بعض والله يوفقهن…
بس انا الحين في ورطة…ومالي بعد الله غيركن …
عرس اختي عقب شهر.!!!!! وانا لا فصلت ولا حجزت عند حد…كل شيء صار بسرعة ملجت اختي كانت في شهر 11 والحين العرس عقب شهر وطاحت على روسنا 
و ماشيء وقت مول…اختي الثانيه يوم راحت بوغاتي في بوظبي اتفصل قال لها ما اقدر افصلج وايد عندي زحمة مسكينه حايلته لين قال لها بسويه لج ب7000 درهم !!!! اشحقه ما يسوى عاد 7000 وهي مب عروس ..انا اشوف لخوات العروس 3000 او 4000 بعد واااااايد لانه اللبسة ليوم واحد بس وينعق…بس اختي لانها معرسه وعندها عيال مافيها على الدوارة فصلت عنده..
المهم ما بطول السالفه واتشعب فيها…
اولا بالنسبة للمكياج والتسريحه:
وايد قريت في قسم المكياج والتسريحات بس احترت اكثر..ابغي وحده اتمكيج واتكون في نفس الوقت تتفنن في التسريحات يعني ما ابغي اي حد…لاني بصراحه من النوع إلي ما يطلع وومب دوم احط المكياج فأبغي في عرس اختي اكون خياااااال…<<<<<<<<< امصدقه عمرها عااااد..ههههههه…المهم
سمعت عن كذا وحده…مثل -رحاب – لميس- ليندا – عذبة – هيفاء -ندى-بس مب عارفة …ابغي وحده تي العين لاني ما اقدر اطلع برع العين ويكون سعرها معقول لاني انا وخواتي بنسوي عندها ..وحبيباتي ياليت إذا ذكرتولي وحده من الماكيرات اتحطولي رقمها على الخاص بعد عسب اشوف وارتب عمري واحجر…
انا من النوع إلي احب دايما يكون مكياجي هادي لان ويهي طفولي يعني بيبي فيس.<<<<<< فديتهاااااااا..^_^…..بس هالمرة ابغي شيء يديد…
ثانيا: بالنسبة للفساتين:
ابغي ادلوني على محلات فساتين في دبي أو الشارجه تفصيل او جاهز..ويكون شيء راقي ومن النوع الفكتوري والساتر. الفرنسي الراقي…اتمنى اي وحده منكن اتحط المحلات إلي تعرفها ويكون بالفعل شيء حلو وما احتار لانه ما عندي وقت <<<<أذيتينا انزين …×_× خخخخخخخخ
قريت في هالمنتدى الرائع عن محل اسمه اتصور اوماتو او شيء جيه..ومحل ثاني اسمه ايشتي اتصور.. بس ابغي اعرف اسعارهم..
ياريت يالغاليات اتحطن لي اماكن هالمحلات بعد لاني بروح الاسبوع الياي يوم الاثنين..
ويا ليت إذا عندكن افكار لخوات العروس ممكن انسويها سواء بالفستان او الشعر..مثلا لو خذت فستان جاهز شو ممكن ازيد عليه مثل الشال..طبعا الشال موضته قديمه بس أعطيكن مثال.اتخيلني اسويها عشان يقولون شو هالسلانيه خخخخخخ…..او امسك شيء في ايدي؟؟ شو عاد إلي بمسكه مب عارفه والله اني عبالوه بس اونه عرس خخخخخخخ ..ما عرفت محتارة لاني انا اشتغل فطول اليوم في الدوام ما اعرف افكر مخي امقفل…
وإذا بسوي تسريحه حلو اسوي فيه حركات او اخليه ناعم؟؟؟كنت حابه اسوي تسريحه فرنسيه مرفوعه نفس كيت في فلم تايتنك بس ماعرف حلو او لا؟؟..لاني وايد بيضا وويهي دائري………..طولت عليكن صح؟؟ ومصختها بعد؟؟وشوي وبتعقوني برع؟؟؟بس خلاص آخر سؤال والله وإذا سألت عقبها شوتوني.^_^ ممكن إذا في مجال عالطاير تذكرولي صالون حنا او محنايه رووووووووووووووووووعه ورقمها بس تكون من العين؟؟؟ خلاص السموحه..^_^
حبيباتي والله ما انسى لكن وقفتكن معاي في هالوقت الضيق…صح اني مب عروس بس اختي عندي بالدنيا وما ابغي اكون في عرسها اي شيء..
اتريا ردودكن بفارغ الصبر…..
اختكم: اميرة عيناويه…..
إذا تبين فستان عندج أريام في الشارجه شغلها راقي ومرتب
اسمها دالا *_*
بنات إلي ادش لا تحرمنا من افكارها ومعلوماتها…
ابغي ردود وإلي تعرف بليز ما تطلع إلا وهي راده علي حتى لو تذكر تجاربها مع الصالونات او راعيات المكياج إلي ذكرتهن..او محلات الفساتين…
بلييييييييييز