هذه من احدى ابداعاتي اتمنى تعجبكم.
يايمه ياحنان الكون طلبتك لاتبكيني
ترى أهون علي أموت ولااشوفك على هالحال
وياليت العمى يمه يجي فيني ويعميني
ويرحل بس عن عينك وعيني للعمى منزال
أنا بفديك بأنفاسي ولو تبغي شراييني
ولو تبغي العمر يمه يرخص لك ترى بالحال
يهونون البشر كلهم وإنتي بس تعنيني
ياأسمى حب بالدنيا وباقي عندي ولازال
يايمه آآآآآآآآه لو تدري وش اللي بس مشقيني
وش اللي خلى عيوني تخلي دمعها همال
أخاف بيوم يايمه تخليني00تخليني
ويصبح عالمي مظلم وتموت أحلامي والآمال
أنا ماابي أحد غيرك من جروحي يداويني
وأنا مابي أحد غيرك يجر بصوته الموال
يايمه إقبلي جنبي تعالي حيييل ضميني
أبي إيدك تلامس دمع على خدي عشانك سال
يايمه لو تبي عمري فداك العمر وسنيني
فداك الروح فداك القلب فداك العين والأموال
فديت عيونك الحلوه فديت اللي تناديني
عساني مانحرم منك ياأغلى من الذهب والمال
وعسى يومي قبل يومك وإنتي يمه كفنيني
وإنتي بس عطريني وخلي برقبتي السلسال
ونسيت أقول شي يمه تعالي بس سمعيني
أنا من بعد حبي لج أحب واحد وإهو رجال
كريم وشهم بافعاله ودومه هو يواسيني
ينسيني الألم والجرح ورحلة همي والغربال
أبوي اللي مربيني ومن حبه مغذيني
أحبه حيييييل يايمه وحبي له يهد جبال.
مب قادره أفهم شو أقولج … الدموع ف عيوني ويالسه أقرا …
روعه … روعه … روعه
تسلمين ي حلوه … تسلمين
هز قلبي من مكانه …
تسلمين
hats off to you
ترى أهون علي أموت ولااشوفك على هالحال
وياليت العمى يمه يجي فيني ويعميني
ويرحل بس عن عينك وعيني للعمى منزال
أنا بفديك بأنفاسي ولو تبغي شراييني
ولو تبغي العمر يمه يرخص لك ترى بالحال
يهونون البشر كلهم وإنتي بس تعنيني
ياأسمى حب بالدنيا وباقي عندي ولازال
يايمه آآآآآآآآه لو تدري وش اللي بس مشقيني
وش اللي خلى عيوني تخلي دمعها همال
أخاف بيوم يايمه تخليني00تخليني
ويصبح عالمي مظلم وتموت أحلامي والآمال
كلمات لو قلت رائعه ما اوفيها حقها صج تخلي العين تدمع
الله لا يحرمج من الوالده ويطول بعمرها
ويحفظ الوالد
تسلمين اختي