يابنات شوفو قصت حياتي الممله مع البيوت

السلام عليكم ورحمة الله وبركاته
ماعرف وش اقول انا مشكلتي اني ادور من سنه ونص بيت للايجار انا عائلتي صغيره يعني ولد وبنت اصغار وقاعدين حاليا في استديو شبر ونص النص اللي هو المطبخ المهم والله كنا قاعدين ومرتاحين قبل هالسنه اللي طافت وبعدين ارتفعت الايجارات وجا صاحب البنايه اونه عاد يبي يزوج ابنه سبحان الله كلهم يبون يزوجون عيالهم اللي عندهم بنايات المهم ونبهنا قبل بشهر دخنا السبع دوخات عشان نلاقي بيت مالقينا وبسعر مقدور عليه ..اضترينا.. … ماعرفت اشلون اكتبها …^_^ اني اسافر عند هلي بالسعوديه وتميت ست اشهوروزوجي لقا بيت ورجعت وقعت ثلاث اشهور
جا راعي البنايه بعد يبي يزوج ولده طلعنا ودورنا مالقينا رديت سافرت وبعد شهر لقينا هالاستديو على اساس مؤقت لانه ماينعاش فيها ابد وجت الازمه الماليه وما اخبي عليكم فرحت من خاطري مع انه اهلي تضررو منها
بس سبحان الله حسيت ان ربي يبي ياخذ بحق النا س اللي تضررو من الايجارات طول الفتره اللي راحت المهم طول مانا قاعده بهالاستديو حاسه اني ابي انفجر لانها واايد صغيره وعيالي ينامون وياي عاد شوفو كيف عين عليهم وعين عللى ..يعني توتر بمعنى الكلمه وطول الفتره واحنا اندور ولقيت بيت مكون من ثلاث غرف وصاله وكبار وجديد بثلاث وعشرين الف غرحت من خاطري والله اني قلت لزوجي ابي اشكر راعي البنايه وضحك علي قاله لاوالله مو منك … واتصلت لاهلي وابوي فرح كثير وقال الاثاث علي وارقى الاثاث يبي يفرحي فديته …وامي بعد واول ماوصلت البيت كنت مسويه حلا تطبيق لاحد الاخوات بالمنتدى ماذقته ..^_^ على طول والله بعدني ماطلعت العبايه ناديت الجيران ووزعت عليهم قلت لهم لقيت بيت.. فرحولي وشارو علي استخير بنفس الوقت استخرت قعدت يمكن خمس دقايق الاوزوجي يتصل يقول تصوري رحت ولقيت واحد بالمكتب يبي الشقه ودافع فيها اكثر وانا عصبت لان كان على اساس زوجي يبي يوقع العقد وبنفس الوقت راعي البنايه عطانا كلمه وهو قاله للي يبي يشتري ترى محجوزه قال ماعليه بدفع اكثر عن اللي بيدفعه ووصلها ل28الف تخيلو وعاد انا تميت اصييح والجيران يهدو فيني وانا ابكي قلت لهم يعني الحلا راح حتى ماذقته .^_^حرام مايصير خخخخخ وجا زوجي وقعد يهدي فيني وش رايكم بقصة حياتي والله ان هذا كله توه استوى اليوم واكتب لكم من حر مافيني وبنفس الوقت سبحان الله احس انها خيرت ربي ماعرف معقوله هذا من الاستخاره ؟ادعو لي ان ربي يعوضني خير ياحليله راعي البنايه على قد مادعيت له على قد ماحقدت عليه لانه مو راعي كلمه ادعو لي يابنات بس حبيت اطلع اللي بخاطري والله اني بعدني ماكلمت اهلي ان البيت راح لاني مابي اصدمهم لانهم فرحو كثير وبصراحه فشله كل مره يستوي معاي نفس الموال الي يشوف يقول عين وصابتنا السموحه طولت عليكم بس اتمنى دعوه حلو ه منكم