شحالكم بنات وسيدات المنتدى … قررت اكتبلكم من بعد معاناة 6 شهور لكن حبيت اشاوركم ويمكن تلاقولي الحل ..
انا الي عايشتنه حااااليا حااااااارق قلبي واعصابي صدقوني مقهووووره .. انا ما احبذ فكرة اني اكتب اشياء شخصيه في المنتدى بس ما باليد حيله .. ارجوووكم ساعدوووني 
المشكله في البدايه ما تخصني .. تخص اخو ريلي .. انا عايشه عندهم في البيت .. وهو عمره تقريبا 24 من فتره استوت سالفه تخصه بس انا عايشتنها ولي رايي في الموضوع والمشكله اني مب رايمه اعطي رايي عسب ما اخلق حساسيات بين الاهل .. السالفه انه اهله في يوم من الايام ساروا عند عرب وشافوا بنتهم وعيبتم وعقب فتره ساروا خطبوها حقه .. وطبعا هو ما يعرف اي شي عن السالفه وبعد ما خلصوا كل شي وتفاهموا مع اهل البنيه قالوله ترا يا فلان احنا خطبنالك وحده وسرنا وشفناها وتفاهمنا على كل شي .. طبعا هو انصدم وصدمته كانت وايد قويه ما كنت متصوره انه ينصدم جي كنت متوقعه انه يستانس لانه كان يحن على العرس لكنه عارض بقوه وقالهم انا مابا هالشي ..
وحاول مره ومرتين وثلاث يرد اهله عن الي يبونه ماشي فايده .. وكم مره طاح يده في المستشفى والسبه هالسالفه .. طبعا اهله ما يبون يردون ف رمستهم مع العرب وعيب ومنقود ومن هالسوالف وهو قالهم انتوا بالاساس ما شاورتوني وانا مابا هالبنيه …
وعقب فتره انا شكيت بالموضوع اشوف الريال شي بلاه شي فخاطره والله انه كسر خاطريه .. واخيرا عقب 6 شهور رمس .. قال حق خالته انا شفت فلانه ف مكان مع اهلها والصراحه بنت حشيم ومتدينه ودشت خاطريه وانا هااي الي اباها ..ويوم كنت احن على العرس كنت احن لاني اباها وخايف حد ايي يخطبها ويشلها عني .. طبعا هو شرح كل شي قال انه لحقهم الين بيتهم وعرف انهم سكون عدالنا وسال عنهم وطلعوا ناس طيبين وما عليهم اي كلام والبنيه ماشاء الله عليها انسانه متعلمه ومتدينه ..
المهم خالته رمست عموه وطبعا عموه رمسته وقالتله منو هاي وكيف تعرفها والخ والخ .. وقالتله انا اخترتلك هالبنيه لاني اعرف اهلها وهي بنت زينه ونعرف اهلها وحاولت تقنعه بس ماشي فايده ..
لكن من يومين هو واجه الكل وقالهم انا مابغي البنيه الي تبونها لي وابا البنيه الي فخاطريه .. لكن كلهم عارضوه وقالوله لو تروح سابع سما ما تاخذها ولا حد راضي عليك شو بيقولون علينا العرب ان خذت وحده مانعرفها … الي صدق صدمني انهم قالوله لو ما تبا البنيه الي احنا نباها مب مشكله لكن الي فخاطرك انسى انك تاخذها .. وسكروا السالفه وقالوله لا تفتح هالموضوع مره ثانيه ويانا…
تحطييييييييييييييييييم الصراحه طبعا هو طلع وهو مضاااايج …
انا صدق مضايجه شراته لاني حاسه فيه .. الي صار صدق صدمني وخاصة تفكيرهم وكيف ما يبون سعادة ولدهم .. وعلى الاقل بس يطيبون خاطره ويشوفونها وعقب يحكمون .. مب شرط الي يعرفونها تكون احسن يمكن الي يباها صدق تستاهله .. شو اقول بس والله اني بنفجررررر من القهرر لاني صدق اعتبره شرات اخويه واكثر واعزه واحترمه واعرف الي يباه حلال ومن حقه لكن هم بتفكيرهم (الغبي) بيحرمونه من السعاده ..
كيف يتحملون ذنب هالبنيه الي بياخذها وهو ما يباها … وكيف يحرمونه من وحده هو يباها وخاطره فيها .. ما فكروا انه يمكن عقب ما يرضيهم وياخذ الي يبونها يسير يعرس او يهملها او يفكر ف هاذيج او او او …
ساعدوني يا خواتي انا اتمنى الاقيله الحل واساعده مع انه مابيدي شي .. بس اهله حاطين ف بالهم يملجون عقب شهر وهومستحيل يعارضهم وبيسوي الي هم يبونه حتى لو ما يباه بس عشان يرضيهم وهو قال هالشي .. لكن انا ابا احاول اساعده واجمعه هو والي يباها بالحلال …. خبروني شو الحل شو الي يروم يسويه اكثر عن جي ؟؟؟؟
ملاحظه: لا تقولولي سيري انتي رمسي حد انا مابا ادخل عمري ف مشاكل اهليه .. انا بس ابا انصحه هو عشان يحل السالفه ..يعني عطوني حلول له هو…
والسموحه منكم اذا طولت عليكم .. اتريا ردوودكم ورايكم
أما انج تدخلين في مساله ارتابطه بلي يحبها بالحلال فانا ما انصحج فيها بارك الله فيج
عسى ان تكرهو شيا فهوه خيرا لكم
لا تحرموني من ردودكم