انا ملاحظه انه معظم المواضيع تخص الزوج وكيف نرضيه وشو نسوي عشان يكون خاتم في صبعنا؟كيف نسوي ليالي حمرا؟ غير سوالف الاغراء والجنس والمواضيع الي كلها تخص الزوج
انزين وين عيالكم؟!!
مالهم دور في حياتكم الحياه الاسريه مجرد زوج وزوجه وليله حمرا!!
ليش ولا وحده قالت شي عن عيالها كيف تخليهم ما يملون كيف تخليهم يحلون واجباتهم كيف تخليهم ياكلون اكل صحي رغم انهم ما يحبونه يعني العيال مالهم اهميه عندكم؟؟ كل حياتكن واهتمامكن فالريل وبس؟
انا فخاطري اسمع شي عن العيال اتعلم لو يبت عيال كيف اخليهم مؤدبين مطيعين شطار ماشي ولا موضوع ولا ام رمست عن عيالها واسلوب تربيتها لهم
ولا شو رايكن؟؟
اممم ابصراحة صح كلامج محد طراهم حليلهم الكتاكيت ^^
انا بخبرج …
بنت اختي كان عمرهاا سنتين ونص تقريبااا …. وكنت ابيها تتعلم حروف الهجاء قبل لا تدخل الروضة
اشتريت الكروت اللي عليها رسمة + الحرف ماله + دفتر + قلم … وعاد هي استانست
كل يوم كنت ادخلها الحجرة عندي واعلمها 5 حروف في اليوم الواحد مع بعض الحركات اللي اتضحكهاا عسب تستمتع بالتعليم … واخليها تكتب الحروف في الدفتر … كنت اكتب الحرف بأول سطر والسطور الثانية اسوي نقط على شكل الحرف
وفي اليوم الثاني اراجع لها الحروف الخمس الاولى + اليديدة يعني اتسمعني العشر حروف مرة وحدة وجذي الين ما حفظت الحروف كلهااا مع الكتابه والصور ما شاء الله عليها
ويوم دخلت الروضة وعطوها الحرف ترجع البيت اتقول خالوو هالحرف انا اعرفه …. ما شاء الله عليهااا
بالمختصر حببوا اليهال بالدراسة من يوم هم اصغار من خلال اللوحات والصور ومن خلال الشرح اللي فيه حركات اتضحك عسب يستانسون ……
انتم بس خلوني اتزوج وان شاء الله .. الله يقدرني على المسئولية
الحمد لله كل فرد من أفراد العائله ياخذ حقه من الرعايه والإهتمام (والتدليل) كامل مكمل.
حاولنا انزل مثل نوعية هالمواضيع
حصلنا
رد او ردين
او بدون رد
!!!!!!
مع انها مواضيع مهمه
مع اني في امس الحاجه اني اعرف كيفية التعامل مع المراهقين خاصه للي عندهم تجارب
افكر انزل موضوع بها الشي
وشكرا لج
محد مهمل اعيالة بس لانه هالقسم ما يختص بالعيال
وقسم الابناء موجود فوق
ولج كل الشكر
هالقسم أحمر في أحمر مثل ما يقولون
بس فعلا مايمنع إنّا الناقش قضاياهم في القسم العائلي…