حد عنده شيء انحططيه ع العمليه و يسكن الألم
مسويه عمليه قيصريه ثاني مره و الحييين متلعوزه بالمستشفي
كله صياح و وئييئييع
الحمدلله ع كل حال
بس الله يخليكم أي حد عنده حل يفيدني خذت تحميله الويع و البروفين و حبتين أدول
و ما شيء فاائده
بليئييز فيدوني
الله يعافيج يالغاليه
والله مااعرف واني شراتج بدايه شهر7 عندي عمليه قيصريه وهاي الثانيه
وانا سامعه الثانيه اصعب ع الاولى!!ربي يشافيج وصبرج واتقومين بالسلامه
بالنسبه للويع اظن مافي غير المسكنات اللي ذكرتيها حبيبتي .. استحملي و هالله هالله في عمرج .. لا تشدين على عمرج وايد و لا تنسين تخلين الهوا يدق الجرح عشان بسرعه يبرى .. لا اتمين يالسه وايد .. و طبعا في البيت لا تنسين تنظفين الجرح اول بأول .. لا تكثرين بس اظن مرتين ل 3 مرات في اليوم زين حسب اذا المكان بسرعه يعرق او لا .. يعني كل ما عرضتيه للهوا اكثر كل ما كان احسن ..
نسيت أقول شي ، كل ما بتتحركين خذي نفس .. صدقيني هالحركه بتنفعج .. يعني كل ما بتنشين او تعدلين طيحتج او يلستج خذي نفس .. ما اعرف شو الحكمه خخخخخخخ بس عن تجربه خواتي دايما كانن يقولون لي خذي نفس، يعني خذي نفس و اكتميه > ثواني بس لين تعدلين يلستج او تتحركين و عقب خلاص مب تقولين حرموه قالت تاخذين نفس و ما تردينه >> اسولف عنوني ..
هالمعلومات اللي اعرفها .. و عاد لا تخوفونا و تقولون العمليه الثانيه اخس من الاولى >< .. اذكري ربج و استغفري .. ان شاء الله ايام معدوده و يروح الألم ..
الحمدلله ع سلامتج و سلامة البيبي ..