۝۝ وليه مانخطي المشاكل ونوصل لأقرب لحلول أو نحاول بالتفاهم يمكن الغيمه تزول۝۝

,

… حبيت أفيد غيري بهالموضوع ..واي انتقاد على اسلوبي او

على نقطه معينه يرجى التوجه الى الرسائل الخاصه …>>داشين مطار وانا مادري خخخ

وانا اتقبل شكركم ونقدكم بنفس الوقت ان كان نقدا بناء …

بهالموضوع حابه اطرق لعده نقاط ممكن تفيدكم ,,

بدايه الموضوع بطرح

عن نقطه معينه وان شاء الله يكون لهالموضوع نقاط كثيره بذكرها في عده مواظيع اخرى

عشان مايطولش الحكي وراسكم يصدع …

قبل كل شي,

جهزو حبه بندول

كنقطه بدايه … حابه افيدكم بـ

سلوك ليس بمحبب لدى الطرف الاول …"

… ويحاول الطرف الاول يغير السلوك في الطرف الثاني …

في منهم ينجحون وفي طرق تبيء بالفشل( حلوه هاي تبيء ) ….

وكل واحد لازم منا يحط في باله ( التغيير مايكون بين يوم وليله )…

التغيير يباله

( صبر- اراده- قوه تحمل- ذكاء )..

وللاسف نحن النساء لو ملكنا الصبر نفتقر لقوه التحمل فننفجر, معناته صبرنا يوم ويومين وبس ,

الحرمه الذكيه هي اللي تحاول تسهل العواقب اللي تمر بين الزوجين .. انا ماكتبت هالموضوع

الا لاني اعترف بنقاط بذكرها لكم …واكثرها سلبيه في التعامل مع الطرف الاخر ’’

وكل وحده منكم تراجع نفسها هل هي نفسي والالا ؟؟

انا انسانه عجوله

..مااصبرر.

.ذكيه بالوقت اللي انا اباه ..

قوه تحمل ماعندي

… طيبه لابعد الحدود..

غبيه بعد الشيء ( مع احترامي لنفسي خخخخخخخخ )…

ماعرف اتصرف بالامور صح ..

ملسونه …اعق كلام واندم عليه ….

طبع الطرف الاخر وهو ريلي وكل وحده لو عندها ريل

وصامت مع الاخرين بنسبه 75 بالميه) بيفيدها الموضوع ان شاء الله ..

ترى خبرتي في الحياه الزوجيه سنه ههههههههههه يعني لاتتحروني معرسه من عشرطعش سنه

بس حبيت اكتب لكم اشياء ومن خلالها بتعرفون كيف الواحد يتصرف ويتجنب بعض الاشياء..

,,

بذكر لكم اخطائي اتجاه صفاته

الطيبه

الخطـ اللي بدر مني اني انا طلعت من بيئه انحرمت منها من اشياء ,, بس الله يخلي اهلي بس المهم

ان اشياء معينه انحرمت منها , وكل كلامهم يوم تعرسين خلي ريلج … وخلي ريلج ..

اترسخت هالرمسه في بالي … فاستغليت فرصه انه يقول هي وهي بكل شي …

صراحه انا غلطانه ..لان الانسان عنده قدر تحمل … كنت الشي اللي اباه ازن على راسه

بحكم انه بيوافق واعرف هالشي.. كنا لما نروح للسوق لغرظ معين اقوله نزلني بفصل عبايه ..

نزلنا فصلنا عبايه ..اقوله لحظه بسير هالمحل وهالمحل وهالمحل وهالمحل ..كان يصبر !!

مع اني قايله له لغرظ معين ..غلطتي طلعت حرتي بوقت واحد ..لان والدتي الله يطول بعمرها

ماكانت تقدر تمشي عدل وياي وتستحمل لان ركبها تعورها ..فهني انا استغليت وكل شي اباه يستوي

ولو ماستوا ازن على الراس !!

كنت اظغط مانكر لكم هالشي ,, وهالسبب خلاه شوي يتغير طشه ..استاهل لاني ماصدقت

مابقولكم تغير ولكن ماصار مثل قبل

شي طبيعي انسان كل مره تودينه مكان وهو راظي وساكت بس تبالغين وايد

و تخلصين امورج كلها مره وحده

اكيد تعب ..اخليه يمر وياي شركه التوصيل ,, كل يوم لازم تقريبا

كل ماطلبت بنت شي مني نظيت… كان الافظل اجمع الطلبات ونروح مره وحده

بس ماكنت ارظى اتاخر ع البنات ..وهالشي سبب لي بعض المشاكل لان صدق غلطانه …

كنت مااوزع مشاويري على ايام ..كنت اخليها كلها بيوم واحد عشان انا ارتاح

بس هل فكرت براحته ؟!؟!

لان الريال يبى يرتاح .. صارحج مره سمعي كلامه ..قولي له فالك طيب….

انا كنت اقوله استحملني دخيلك والخ

بس احين تعلمت اني اغير هالطبع الشين اللي فيني … وايمع الطلبيات واوديها مره وحده للشركه …

لو بنحدد طلعه لمكان معين مايحتاي ادوره 4 اماكن …

نحن حريم ونحب نشتري بس هم رياييل ومايحبون ,, اقل شي الواحد لازم يتنازل ,,

صح عندي سياره وكان يعتمد علي ببعض الشغلات بس احين ماسوق مثل اول ,,

فكري فيها … ان ظغطي عليه مرده بيوم يتغير عليج لانج استفزيتي طاقته بكبرها

بمختصر الكلام بعطيكم نصيحه لهالفقره بشكل عام

::نصيحه ::

مرتاح ويقدر يقدم لج اكثر واكثر……

عنيد

اذا انتي عنيده ..وهو عنيد ..ياترى … منو بيكون

الربحان منكم ؟! الاثنين خسرانين ,,

انتي خسرتيه بهالوقت وهو خسرج ..

العناد في ريلي 100 فالميه وانا بعد ..بس مشكلتنا

محد يتنازل ..!! بحكم شو ؟! بحكم شي واحد

عزه النفس اللي ندعيها ..!!… اهم شي

لاتكثرين من العناد لريلج مثلي..هو كان يقولي

لاتسهرين لاتسهرين .. باجر بيكون عندنا موعد

في دبي يافلانه ومابتنشين لي الصبح ..)قصده مواعيدنا في الايام اليايه

كنت اقوله انا ماقدر اانا ااسهر عشان شي واحد

اصلي الفير وارقد والله العظيم هذا سببي ,,

صح هو كلمني باسلوب مش اوكي ولكن انا

قلت ليش جيه يقولي؟ قمت اعاند … شو سوى

بالاخير منع عني الكمبيوتر بعد الساعه 12 هع

ويطلعه لي الفير ,! وكنت اقوله اللي تسويه مافيه

فايده عناد لك بطالع تلفزيون وقمت اطالع تلفزيون

احسنا ماعندنا مشاكل ونبى نطلع مشاكل غصب !! ياحبه لللمشاكل

المهم نكمل..

او انظف البيت او اقرا قران لين ياذن وارقد

لان اعرف عمري لورقدت والله مانش اصلي,,

مشكلتنا نبى الرياييل مهما اختلفت طباعهم

نباهم يقولون لنا بطريقه حلوه , وهالشي من حقنا

بس شخصيه عن شخصيه تختلف ,,,

اهم شي الواحد يكون قنوع ويحمد ربه على ماعطاه لان احسن من غيره

والمقارنه ماتنفع

المهم شله عني وقهرني ,, ومن جريب كنت

انظف البيت فالليل وبخرته وصار ولابيت االابيظ

>>صاروخ بينقع ع راسي احين خخخ

>>وانا شايفه البيت الابيظ عشان اقو ل جيه خخخ

الصبح .. نش ع الفير بيصلي قلت احين بيمدح (:, جان يدش الغرفه

كلمني باسلوب معصب ويقول ليش حاطه

هالكلنكس صوب الكبت احين كيف بفتح الكبت ؟

انا ماعيبني اسلوبه يوم صرخ علي بغيت اصيح

قلت له انزين شوي شوي قولي شليه وبشله

والمووضوع مايستاهل الشيخ انك تصارخ ,

( واحد ناش من رقاد ).. شوي اشوفه

عق لي شي يخصني وقال حلم القريه العالميه

اللي تتمنينها تحلمين فيها ,, يعني يدخل امور

بامور الله لايراويكم دشيت الغرفه وراه قلت شو

قال القريه ماتشوفينها بعينج, انا لاول مره اسكت

انا دوم ارادد وهالشي يزيد الطين بله انتبهو بنات ..

صح الريال يغلط باسلوبه بس انتي لاتصيرين اخس

عنه .. هالمره سكتت ..سكرت الباب طلعت صحت

خخخ ورديت ع النت >> ماعندها سالفه …

ورديت رقدت طول اليوم ماكلمته ,طيب ليش؟

لاني عنيده وهو عنيد ؟! يعني محد منا يتنازل ..

باليوم الثاني عنده دوام انا رحت بيت اهلي

شوي برتاح ..يوم انتي مظاربه ويى ريلج حاولي

انج تطلعين من الجو اللي انتي فيه .. صح

نحن ظرابتنا سخيفه ومثل ويهنا بس شونسوي بعد

بس لانه قهرني واعدني واخر شي لما يقترب

الموعد لو تنازعنا يكنسل الطلعه ههههههه

فتعودت..وقلت هالمره مابصارخ ..طلعت بيت

اهلي سولفت..زطيت اكل , هديت , فكرت هني

وقلت … ليمتى نحن جيه ؟.نظارب ونتم ايام

مانرمس بعض ؟ماصار لنا متزوجين من سنين ؟

هاي اول سنه عدت , ونحن مانعرف منو فينا الغلطان ؟الغلط يتقسم على الطرفين ؟؟بس

ليش كل واحد تركب براسه ؟الدنيا والحياه ثواني ونعيشها؟؟ طلعت من البيت وخذت له شي بسيط

ساعه ,, وبطاقه …وهني عاد يا فلانه اشتغلي انتي وذكائج .. لاتقولين بكتب له قصه حياتي

وانت غلطان وانت غلطان وانت !!غلط ,,

كتبت له بما معناه ,, الدنيا ماتسوى الزعل,

كلها يومين ورايحين عنها .. ادري انك تعبت وانا تعبت ,ومدام الكمبيوتر والا السهر يخرب علاقتنا

بتنازل عن كل شي لكسب رظاك , ولاتتحرى يووم

كتبت لك وطرشت لك عشان تاخذني القريه حشاك

ان القريه ماباها دامك مب راظي لروحتها ,,انا طبعا كاتبه كلام غير شوي مايحتاي نذكره بس عطيتكم

مب نفس الكلام ولكن طراطيش منه وكلام جليل هب وايد هب لازم افصل بكل حرف كتبته والا

قلته بفيدكم بس ,

يحفظك الرحمن ,

اثرت في نفسيته

وانا حطيت اللوم على الاثنين ,,

وسرت رقدت , من شاف الهديه ويى قال ليش تعبتي عمر ج ,, يوم الفلاني بنتحرك دبي

ودشي ا ي قريه تبينها لو كل القرى وخذي راحتج

( علما اني ممنوعه اني ادش اكثر من 3 قريات دوم للظروف الصحيه )

بس هالمره استغربت , قلت لو انا تامه على عنادي ؟؟؟ كنت بخسر كل شي؟؟

حتى القريه بخسرها خخخخخخخخخخخخخخخخخخخ ,,

تصرفو بحكمه وذكاء …

زعلتو من بعض ؟

ماكلمتو بعض ؟

سنه والا اسبوع

شو الاستفاده اصلا ؟؟

انا هني تعلمت ,, شي واحد

كل ما يصير تتش من بينا ما نكلم بعضنا , واغلب

الاسباب سخيفه … محد استفاد من هالحركات شي !!!

بس لما اني كتبت له شي وهديته شي بسيط وحطيت اللوم ع الطرفين وقلت

ان لاكمبيوتر ولا غيره يخرب علاقتنا , وقريه وطلعه ماباها بدون رظاك

هني رجع لي الامر بشكل ايجابي ؟!

::نصيحه ::

لاتصيرين مثلي عنيده ..عشت سنه وانا عنيده.. وهو عنيد راسه يابس.. ع الاقل لو هو ماغير

عناده انا بتنازل شوي ومع الايام هو يتنازل..

قالج مابوديج المكان الفلاني لاتصارخين وتزاغين

وتدعين , قولي شي واحد ( اهم شي رظاك )..

صدقوني قولو جيه حتى لو انتو معصبين

ادري بهالوقت الواحد مايقدر يجادل وخمسين الف شيطان راكب راسكم خخخ

او انه يتحكم

مثلي بس انا احين احاول ولله الحمد بديت اعرف

كيف امشي اموري مع ان مول ماطرالي اكتب له

شي !!!

بس عمر العناد مافاد ,, والبعاد اكبر سبب يخلي

العلاقه الزوجيه فيها فجوه ..الله يبعد عنا وعنكم الفجوات… ع

ناد ماترمسيه ومايرمسج …

عنادج على سهره كمبيوتر , ماينفع ,,

ااحين هو صرح لي ادش النت ع اساس شو ؟

اساس اني بصلي وبرقد 4 ساعات ومن بعدها بوعى عشان

ارقد فالليل ويترتب رقادي..لاني قلت له بغير رقادي…

لاتخلين العناد يسطير عليكم ولاتقولين كل مره انا اتنازل واتنازل ..

انا اتنازل صح بس مب كل مره…

تذكرت كلمات

آه ياحبك للمشاكل آه ياحبك للزعل .. كلما قلنا هدينا حدّك إسبوع وتمل

وليه مانخطي المشاكل ونوصل لأقرب لحلول .. أونحاول بالتفاهم يمكن الغيمه تزول

اه ياحبك للمشاكل اه ياحبك للزعل كل ماقلنا هدينا حدك اسبوع وتمل

قد ماحاول أنا أرضيك قد ماتحاول تشب .. أتنازل وأبغى أرضيك بس ماحولي أحد

اللي يمشي بس رايك حتى لو ماهو صحيح .. صعبه تسمع غير رايك لو أعاتب أو أصيح

آه ياحبك للمشاكل .. آه ياحبك للزعل ، كل ماقلنا هدينا .. حدك اسبوع .. وتمل

يعني عاجبك اللي صاير حبنا كله عناد .. إنت تغلط وأنا اساير بس صدقني بعاد

مره ياخذك الغرور مره ياخذك التمادي .. لين صارت كل غلطه تصير منك شي عادي

آآآه ياحبك للمشاكل ، آآآه ياحبك للزعل ، كل ما قلنا هدينا ! حدّك اسبوع وتمل

أخلاقه طيبه ..

ادعي بصلاتج ربي مايغير عليج ,, انا ماعندي

كلام بهالنقطه …غير ان لاتخلين اخلاقه

تتغير والسبب انتي ,,

طبعا هالنقطه انا ماحب اذكرها .. لان مب حلوه

تنكتب جدام الكل , فخلونا بعيد عنها,,,

يحرق الاعصاب بعض الشيء

المعزب عرف نقطه ظعفي ,, ماحب اقولها …

من هني بدا لما يصير من بينا شي يستغلها ,

لاتخلين ريلج يمسك عليج نقطه ظعفج

شافج انتي تعصبين من هالشي ؟لما بيطرى ع باله شي بيخليج تعصبين وتحرقين اعصابج ع الفاظي

وع فكره خصوصا الريال النذل هههههههه

هاللي احسه ..يعني لما الريال فيه نذاله شوي ودفاشه

بدال مايكحلها يعميها ,, للاسف, وهالشي

يسبب مشكله من لا شيء… يمكن يكون مب قاصد

بس نحن ساعات مانتحمل ويندم انه مسك عليج شي,

خذيها بروح رياظيه لاتبيين له ظيقتج بالعكس اظحكي بويهه يكون الامر عنده عادي

::نصيحه::

اذا صار بينكم شي

يستدعى تحرقين اعصابج..ابتسمي بويهه وغيري الموضوع ,, لاتخلينه يتشمت فيج ويخليج كوره

في ملعبه لان بالاخير انتي لعبتي باعصابج بارادتج

وهو يظحك ؟! وهالحركه اكرهها باي شخص يسويها

ساعات الدفاشه تلعب دور ,, وانا ماره بهالموقف ومن جيه قلت لكم ,,مابقول

عن نقطه الدفاشه شاطر

ولكنه شاطر بحرق الاعصاب لان عرف نقطه ظعفي وانا ياموتي لو

شفت حد يظحك علي بالاخير ,, خليح ريلاكس ووتتقبلين الامور بسعه

وصدر رحب لان بعض المشاكل تبدا من قله الاسباب !!!

خجول

انا اللي عندي انسان خجول , لو قعد بين اهلي

من الصعب انه يرمس , لانه يستحي ,,

مايحتك ويى الناس عادي..مايرمس وايد وياهم

وياي ويى اهله عادي بس الناس لا ,,

طيب انا للحين ماغيرت الطبع فيه ؟؟بس الغلط

ان نعالج هالشي بغلط اكبر عنه وان نحن نزن

ونون على راس الريال اتغير واتغير !!!

نبى التغيير بغمظه عين وهالشي صعب !!

غيريه بدون مايحس

مره ارمس عموتي جان اقولها منو وياكم قالت اخوي

وريلي كان يبى يستفسر خاله هناك والالا وهقته قلت لعموه زقري اخوج المعزب بيكلمه

وريلي توهق حزتها هههههه حسيته عرق وارتبش وقال كيف تخليني

بهالموقف انا استحي خخخخخخخخخخخخخخخخخخخ

قهرني

خليه ع راحته بس لاصار تجمع قولي له تيمعو الاهل

نروح لهم !!..لاتحركيه في البيت مثل بعض البنات

خليه يظهر ويى ربعه ,, انا للحين ماعالجت هالامر

لاني اصلا ماعرف كيف اعالجه ؟! وماعندي كلام وايد عليه

بس في مقاله قريتها وبيستفدون غيري وان شاء الله

انا ااحاول اساعده

مابقول وبظلم ان المعزب مايرمس بس هو من النوع

اذا شخصين بالميلس بيرمس لو يى ثالث مايرمس ابد ويقعد يستمع ؟! ها بيدخل

الجنه بهالسبب لوول,,

ااذا اجتمعنا بيت الوالده بيرمس كذا شي وبيسكت وامي بترمس وانا بلعلع

لانه انسان خجول ومايحب يرمس وايد , حاولت اغيره بسبب كثره هذرتي

اشوفه يهذر ع راسي بس لو شاف حديستحي

ولاكانه هو وياي اللي فالبيت

::نصيحه::

اني مااقدر انصح بهالنقطه لاني روحي بعدني احاول فيه , وسنين كفيله بتغييره ,

’

بنات اسمحولي كتبت هالشي بدون تنسيق ,, من القلب للكيبورد , لو الخاطر خاطري

اني ارجع واقرا اللي كتبته بس حلاته الشي لما يكون من القلب لكم بدون

اظافه بهارات وتعديلات ,

نصايح حبيت اذكرها لكم تستفيدون منها ,

وتتجنبون اخطائي عشان نقلل من حجم الزعل

بسبب اسباب ماتستاهل بنظري, وكل منا يغلط ويعاند ويسوي بس اهم شي يراجع نفسه

وبالاخير مانباكم جيه

تصبحون ع طاعه