ساعدوني في هاي المشكلة .. ولدي في KG2 والصراحة أعاني وياه في كتابة الواجبات .. مع انه العام لما كان في KG1 ماشاءالله عليه .. بسم الله عليه من كل عين .. يحل و مايعذبني موليه يادوب ساعة أو أقل عن ساعة يخلص ويسمع الكلام .. الحين مستوي عنيد و مايسمع كلامي .. مع ان واجباتهم حلوة .. تلوين .. قص و لصق .. توصيل …… الخ … والله إني مدلعتنه كل شيء يباه اشتري له اياه .. طبعاً بحدود وشروط مثلاً اذا سار الروضه بدون صياح بوديك تشتري لعبة .. أوديه اذا نفذ واذا ما نفذ ما أوديه لو يصيح ويتأسف.. الحين لا تفيد وياه الشروط و لا الحرمان من اللعبان .. ولا العقاب ولا شيء .. الولد بالمختصر ((( متمرد ))) ؟؟!!!
ما يبا يسمع كلامي مووووولية .. والصراحة أمس لجأت للمطرق (الخيزرانة) لشطة وحدة الولد خلص كتابة في دقيقة .. ياربي مابا اضربه .. هو يرقد من هنيه .. وأنا يبدأ تأنيب الضمير عندي من هنيه .. الحين فكرت اسير الروضة واخلي معلمته تكلمه .. والله مب هاين علي موليه بس شو اسوي .. شوروا علي ..
نفس المعاناه
انشالله نلاقي حل
المشاركة الأصلية كتبت بواسطة تويينز 
نفس المعاناه
انشالله نلاقي حل
حبيبتي هالتصرف موجود عند كل اليهال ،،،
مافيها شي اذا شديتي عليه شوي وهالمرة طقيتيه المرة الثانية لا تطقينه بس هدديه فيها لانه جربها فيخاف منها
والاشياء لا تشترين له كل اللي يبيه بالعكس حددي له شي معين اذا خلص واجباته لا تخلينها سايبة على قولتهم
وان شالله يحس ويشد حيله عشان يحصل اللي يبيه
مافيها شي كلمي المعلمة يمكن متضايق من شي او يمكن انها تفيدج
والله يهديه مع عيال المسلمين 
شجعيه باسلوب ثاني ..مثلا قوليله يالله انته اكتب وان بزين الواجب وبخليه حلو … اشتري الملصقات او حتى تقدرين تطبعينهم من النت وتقصينهم .. تقدرين تلونين الحروفف اللي يكتبها انا جي اسوي هو يكتب وانا الون با الخشبيه كل حرف الونه … اهتم با للي يكتبه .. مادري اذا فهمتي عليي … الهدايا ما تفيد انا جربت ها الشي …انا ها الشي وايد فادني حتى با المذاكره … انتي شوفي ولدج شو ميوله وسوي له
وربي يحفظه
ما يسوووى عليه ,,,ايلس اتندم اني ضربت ولدي علشاان واااجب حراام شو خلينا حق الاشياء الاكبر,,,
انا ما الوومج اكيييد انقهرت منه ,,بس اهم شي انج تكوونين صبوورة وهو تووة الناس كجي
حااولي تتماالكين اعصااابج ,,, وقوولي له خلاص لا تكتب وااجبااتك وخلي المدرسه والطلاب يعرفوون انك ما تكتب وااجبااتك وانك مب شااطر والغير يكتب وحااولي تتواااصلين مع المعلمه
والله يحفظ لنا اعيااالنا ويعينا على تربيتهم تربيه صاالحه
الله يهديهم يارب