ولدي والكحه والبلغم ساعدوني

السلام عليكم ورحمة الله وبركاته بليز امهات ساعدوني ماخليت مستشفى مارحتله عسب كحة ولدي والبلغم ولدي عمره 6 شهور ربي يحفظه من كل شر ويحفظ عيالكم وكل مااعطيه الدوا احسه ازيد عنده الحكه ـــ والبلغم امتعبنه حتى احيانا مايقدر يرضع *

سلااامات مايشوف شر فديته ….. الله ايعينج ويا هالبلغم لانه صدق معاناه…
لو انتي من اهل العين بخبرج عن دكتور اطفال اوكي …من فتره كان ولدي فيه البلغم عطاه الدكتور
دوا الاعشاب لانه هالعمر مايقدر يعطيعهم ادويه وكل 4 او 5 ساعات بخاار ايريح البيبي ويفتح خشمه
وكل ماظهر البيبي بلغم اريح له …

سلامات مايشوف شر الغاليه

اختي اخلطي العسل الطبيعي مع الحبه السوده "ناعمه" وعطيه ملعقه كل يوم ع الريج

بيريحه وكمن يوم بيروح عنه البلغم ان شاءالله

الله يحفظه لج ويعافيه

تسلمون على الرد وان شاء الله بجرب العسل ويقولون بعد الينسون زين حق البلغم صح و لا

وعليكم السلام ورحمة الله وبركاته،،

حبوبة شوفي عليج بالبابونج ولبان ماكل مافي احسن منه صراحة،كان ولدي فيه كحة بسيطة بس اتسير وترد عليه وقامت امي تعطيه لبان ماكل والطريقة تودنينه في ماي عادي وتعطينه في مرضعته والبابونج بعد مهدي ومريح خاصة للاطفال الرضع

وسلامات حبيبتي مايشوف شر ولدج والله يحفظه لج^^

ربي يسلمج من كل شر

ادهني صدر ولد فليل بزيت السمسم وريوله بعد ولبسيه زلاغات ..

هذا عن تجربه ونصحت اربيعتي وامها وبعد فاد وياها ..

وحاولي يكون دافي لان الجو الحين بارد

جربي وردي خبريني