خواتي كتبت قبل موضوع عن سالفة غازات ولدي
وجربت كل شي قلتولي إياه
وها من غير ادوية المستشفى
وماااااشي فايدة
: (
انا خلصت الاربعين و ولدي بعده تعبان من الغازات
يصيح طول الوقت
متى بتبدا تخف عنه؟؟؟؟؟؟؟؟؟؟؟؟؟؟؟؟
اذكر فبجري ،،، اخته يتها غازات بس الحمد لله مب هالكثر
والله تعبت مول ماارقد وهو تعب من الصياح
: (
والله أعرف كيف متعب هالشيء،، بس ماعندج غير الصبر،،
بنتي كانت نفس الحالة
مرات كان ودي أصيح وياها من التعب..
بس شوي شوي بيخف إن شاءالله…
وعطيه ماي غريب مخفف بالماي .. انا كنت اعاني من هالشي مع ولدي والحمدالله اعطيه هالاعشاب وماي غريب
يهدي بطنه ويرقد فالليل ^_^
والله كن اشربه ماي غيرب دوم … والحمد الله اوكي و ما قط عانامن الغازات هالالكثر
اهتمني في اكلج ؟؟ اهم شي لا تاكلين اشياء تسبب الغازات لان الليب ياثر فيه ؟؟؟
والله يعايه لج امين وحاولي كله ترقدينه ع بطنه ويرتاح ..
بالاول انتي عسب انج ترضعين الياهل .. ابتعدي عن الماكولات اللي كلها بهارات واشياء حارة .. ابتعدي عن المشروبات الغازية وكثري من العصاير الطازجة والفواكه …
وولدج .. بالمرضعه مالته حطي ماي حار .. وعقي فيه ورث نعناع اخضر طازج وقلييييييييييل من السكر العاادي مب سكر النبات … وعقب ما يدفا الماي اسقيه للياهل مرتين ولا ثلاث باليووم …
وعقب الرضاعه حطيه على كتفج وضربي شوي شوي ظهره فووق عسب يتداسع ويطلع الغازات … واغلب اسباب الغازات بعد الرضاعه الصناعية .. انتي وقفي هالفترة من الرضاعه الصناعية اذا تبين ولدج يرتاح ..
سوي اللي خبرتج عليه .. وباذن الله بترتاحين انتي والياهل وربي يحفظكم غناتي …
وبتحصلين اكياس مثل الليبتون اسمها كراوية في الجمعية تصبين عليها ماي حار وسكر تطلع كل الغازات وتريح البطن