وقت الفراغ

السلام عليكم ورحمة الله وبركاته:
أتمنى من كل بنت أتساعدني كيف أقضي وقت الفراغ دوم أنا فاضيه ما عرف شو أسوي وعندي مشكله كل يوم أقول بصلي صلاة الفجر ماقوم وأحيانا أحط على المنبه يوم يصيح المنبه أقوم أبنده ورد أنام…المشكله أنا إنسانه كسلانه كل يوم أقول لنفسي بسوي اليوم شىء وبعدين أقول خليه يوم ثاني لدرجه إني أضايق من نفسي……… شو أفضل آيات نقراها في اليوم…….. وجزااااااائكن الله ألف خيييير. وأدعووووووووولي يابنات………..

الابتعاد عن السهر
قراءة القرآن
الذكر
الاستماع الى المحاضرات الدينية
قراءة الكتب المفيد
الاعمال الخيرية
زيارة الاقارب
تكوين صداقات
تطوير الهوايات اذا عندج هواية معينة
عمل مشروع بسيط يفيدج

مع تمنياتي لج بالتوفيق
ربي يوفقج ويسعدج دنيا وآخرة

أول شي اتوبين توبه نصوح من كل الذنوب
ثاني شي تتوكلين على الله
ثالث شي كثرة الرسائل السلبية للنفس تخليها تتركز ويطبقها الشخص دون وعي
رابع شي لا تسهرين ولا ترقدين الظهر والعصر هذا إذا تبين تتغيرين للأحسن
خامس شي دوريلج صحبه صالحة فالبنت دوم ترابع لها بنات واهم مقياس عندها انها ماتغازل خلاص هذه صديقة صالحة غلللللللللط البنت الصالحة هي اللي تكون محتشمة جدام اهلها ومن وراهم وما تلعب عالحبلين!! البنت الصالحة اللي تقولج غضي النظر عن الرياييل وما تشجعج عالحرام ومطالع الأجانب وتنصحج بترك الأغاني وتوعيج لصلاة الفجر وتنصحج بكتب وأشرطه تنفعج اما ان البنت اللي عكس هالأشياء فلانة اقري قصة ولا رواية ولا طالعي رسوم يابانية وشوفي إم بي سي تو اسمحيلي ما اسميها صحبة صالحة مع احترامي..
سادس شي وحطيها فبالج( إن الله لا يغير ما بقوم حتى يغيروا ما بأنفسهم) الإنسان اللي صدق يبا يتغير بيتغير من نفسه والله بيوقف وياه ما بيتريا حد إييه وينصحه علشان يتغير…..
سابع شي اتذكري أن هالدنيا فترة قصييييييييرة واكبر مثال للتقريب بالأمس كنتي بنت تلعب بالتراب والنفافيخ واليوم انتي حرمة وكأن هالعمر ثانية خطفت في لمح البصر…. فسارعي بالتوبه لأن باب التوبه إذا سكر خلاص كل شي ينتهي
ثامن شي تذكري الموت هيه الموت هاذم اللذات كم بتمين غافلة هل تنتظرين إييج الموت على غفلة ؟؟
الله يعينا
في الختام انا متأكدة مليون في المية انج بتتغيرين وبتقومين تصلين الفجر من غير تعب بإذن الله