وزن الجنين

السلااام عليكم ورحمة الله وبركاته أخواتي العزيزات
مبرووك عليكم شهر رمضان المبارك …
عندي استفسار حبيباتي ..انا حامل في بداية الشهر السادس ولما راجعت الدكتورة قالت كل شي اوكيه الحمدلله بس وزن الجنين صغير وايد 346 غم ..
وقالت اتغذى زين واكثر من الحليب والخضروات والحين برمضان احاول قد ما اقدر وادعي رب العالمين ….فهل وحدة مرت بهالشي؟؟ وشو تنصحوني اكثر من شو في الاكل ؟؟ الله يرضى عليكم ويزاكم الله خير …..

350 غرام بس ؟؟ وايد صغير … المهم انتي اهتمي بالاكل والسحور كلي زين وفعلا اشربي الحليب الطازج يوميا . والله يوفقج ان شالله ..

حبيبتي ماعرف شواقولج بس احسن شي تبتعدين عن الاشياء الي ماتفيد مثل السويتات الجبسات والكاكاو وكثري من الفواكه والخضار و الحليب واكل البيت وودري عنج اكل برع
واتمنى تتقبلين نصيحتي

الغالية … انا قالت لي الدكتورة نفس الشي يوم كنت حامل في نهايه السابع بس ما اذكر كم الوزن … وسرت راجعت عند دكتورة ثانية وقالت لي ان وزن الجنين وايد زين … والحمدلله ربيت بالسلامه وكان وزن البيبي 3 كيلو …

والجنين يبدأ يزيد وزنه مع الشهور الثلاث الاخيرة … راجعي دكتورة ثانية بعد شهر وشوفي اشوة بتقول لج….

والله يسهل عليج يارب …

حبوبة كثري من اكل السلطات والفواكة وشرب الحليب
والله يثبت اللي في بطنج انشالله

يالله يارحمن يارحيم يامجيب دعوة المضطر اذا دعاك يامن تقول للشي كن فيكون ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان ويالله ترزق كل محرومه بالحمل السليم عاجل غير آجل آمين يارب العالمين

ماعندي فكره مامريت بهالشي

بس حبيت ادعيلج ان الله يحفظلج جنينج ويسهل عليج انشالله

ويعطيه الصحه والعافيه وتولدينه باحسن صحه وسلامه