ورم الديرمويد

مرحباً خواتي،،،،،

للأسف ما حصلت ردود من اي وحدة بخصوص سؤالي عن مستشفى توام يعني ما حد راح وتعالج عندهم؟؟؟؟

عالعموم سؤالي واضح من العنوان،،، السالفة أني لما رحت للدكتورة زينب والدكتورة ذكرى فهالمستشفى فعيادة النسائية وبعد ما سوون حقي سونار تبين لهن كيس مغطي المبيض اليمين ( الله يعافي الجميع منه) وهالكيس مب شرات الاكياس اللي تظهر عالمبيض وتكون مائية وتنزل مع الدورة لاااا لا تتخربطون
هالكيس ومثل ما قالن عبارة عن كيس يحتوي بالعادة على شعر وقالت الدكتورة اسمه كيس جنيني،، وما يتعالج بالأدوية وعلاجه جراحة فالبطن ينشال فيها…
سويت سيرش فالنت عن هالكيس وطلع اسمه ورم الديرمويد
ما دري حد عنده خلفية طبية عنه او يعرف اسباب تكونه لانه قريت فالنت اونه يصيب المراة بسبب الحسد والسحر والله زغت من كلمة السحر
اللي عندها خلفية لا تبخل علي بالنصيحة والمعلومة واذا تعرف حد انصاب به تخبرني شو صار له ؟وأسبابه ؟وشو علاجه ؟وفاي مستشفى تعالجوا منه ؟وشو الفحوصات التي تثبت وجوده ؟ وهل لو كان طالع من المبيض ويستأصلوه مع المبيض هل بياثر عالحمل؟؟؟؟
واذا وحدة تعرف مستشفى زين يعالج هالمرض او دكتورة شاطرة تعطيني اسمها ….
والله يعفي الجميع من الامراض يا رب

أنا. بعد كان عندي كيس درمويد. اكتشفته الدكتورة عن طريق السونار الداخلي بس كان حجمه 1cm فقالت لي عادي هذا خلقة وقالت لي ان خلايا الي تكون الشعر والأسنان بالجسم. بتم شي منها بالمبيض عند بعض الحريم تنشط هاي الخلايا و يتكون هالكيس عقب فترة كبر حجم الكيس. وصار 2cm وشي فقالت لازم عملية. لان اذا كبر زيادة بنضطر تستأصل المبيض. فسويت العملية بالمنظار. والحمد لله كانت العملية ناجحة أنا كنت اتابع ويا الدكتورة عفاف والي سؤالي العملية دكتور نبيل 

وعلى فكرة الدكتورة قالت. ان فاحتمال. يتحول الى. روم خبيث. وبعد الاستئصال خذوه المختبر وطلع الحمد لله مافيه شيء

مشكورة عالتفاعل بس سؤال وين كانت العملية فاي مستشفى؟

في هلث بلس

ربي يشفيج ويعافيج انشالله انا بعد انصحج من غير زيارتج للدكتوره ومه العلاج خذي القسط الهندي وسوي حجامه على الرحم حتى لو كان على قولتهم من سحر او شي تأكدي نه القسط ويالحجامه تأثيرهم علينا وكفايه انه وصيه الرسول عليه الصلاه والسلام