مرحبا يا اخواتي
هنا انشاءالله سوف يكون التجمع للحافظات او الي يالسات يحفظن القران الكريم
انا اشوف كثير من البنات الي يسألن ويستفسرن اذا كان هناك فيه مراكز للتحفيظ او احد يروح المنازل للتحفيظ الاطفال او الامهات
او مواقع من الانترنت او برامج للتحفيظ
وانا والله خاطري ادخل مركز بس ابى اعرف اذا حد جرب مركز او معهد او حتى حافظه تييج البيت
انشاءالله يا اخواتي لنساعد بعضنا
الي جرب معهد او مركز تعطينا خبرتها
والي جربت طرق ثانية بعد تقولن
في امارة بوظبي وفي كل الامارات للي عنده الخبرة واللي جربت بنات بليز
ويا ليت تخبرنا الروسوم وكل شي
ويزاااااكم الله خير
والي حاب يرفع الموضوع يزاه الله خير
لا يوجد اي مشاركه لييش
بصراحه استغربت من القسم محد يدخل يحفظ وتوقعة قروبات وايد للحفظ
وراسلة المشرف بهالخصوص للحين ماردت عليه!
المهم
انا كنت داخله مركز تحفيظ بس هالسنه ماقدر اروح للاسف
نظام المركز الي اروحه يعلمونج تجويد اول سنه وبتخلصين جزء باذن الله
عقب هالسنه تصيرين تحفظين 5اجزاء تقريبا فالسنه يعني تحفظين صفحه
صدقين الامر وااايد سهل مع التعود وحبج للحفظ
يعني كلها سنتين او3وتخلصين حفظ المصحف
وتلقين تشجيع مع الناس الي معاج
ربيعتي كانت تيها محفظه للبيت وقالت ماتشجعت بروحي
اكثر اتشجع واحفظ فالمركز