هل ممكن تنتهي الصداقه بكلمه او موقف او او او او الخ

مممم بصراحة هيه

مب من موقف من مواقف
أنا أنهيت 3 صداقات للحيـن
و مرتاحة و عايشة حياتي بدونهن

الأولى : كانت قصة طويلة أولها بدت بالحسد و الحقد
و انتهت بالجذب
وسبحان الله حبل الجذب قصير ، و كل شي انكشف لي
الشي اللي خلاني أتجاهل مثل هالأشخاص و أعيش حياتي بلا قصص وهمية و خيالية

الثانية : أحسها إنسانة مالها هدف
و حياتها نكد و ضيجة
رغم كل شكاويها و رغم وقفاتي وياها
إلا أنها مصرة تعيش في النكد

الثالثة : هاي كانت أعز وحدة عندي
كنا ثنائي ولا أروع
بس لأنها اختلطت بشلة ثانية و تغيرت وايد و أنا ملاحظة
أبتعدت عنهن و غيرت كلاسي و ارتحت
طبعاً هي زعلت و مصرة تبا تعرف السبب
بس أنا ابتعدت لأن صعب ترجع شرات ما كانت
و للحين اطرشلي مسجات و الحمدلله أعزها بس بعد شو ؟
كل وحدة اختارت طريجهـا

(=

يسعدني اني اكون اول وحدة ترد عليج..

ربطتني علاقه قوية كنت احبها<<<<<خخخخ ايام الإعجاب بس للأسف خسرنا بعض..

طرشتلي مسج ويوم شفت الموقف
انصدمت ورجعت البيت ولمييييت كل هداياها وحطيتهن في صندوق وكتبت ع ورقه
( خذ بقايا ذكرياتك و الاماني و الوعود….
وامحي اسمي من حياتك و انسى اني بالوجود)
وماريد اشوف رقمج مرة ثانيه يطلع في تيلفوني…

وشو الاسباب التي ادت الى اهناء هذه الصداقه؟؟؟…

خيانه..

وشو كانت مده الصداقه؟؟؟…
اعرفها من زمااان بس كملت سنتين ونص واااايد كلوووز معاها

وفي امل ممكن صداقتكم ترجع من جديد؟؟؟…

هيه عرست وانا عرست ويبنى عيااال…يوم اذكر ايام قبل اضحك ع عمري..
بس ممكن يكون فيه امل بس نرجع مثل قبل.!!!!!! ماظن..

والسؤال الاهم هل ممكن تنتهي الصداقه بسهوله؟؟؟
لا..

كانت عندي ربيعه اغلى من روحي خسرنا بعض بسبب البنات فرقوا بينا الله يوفقها ويسعدها

عاد الصداقة ما تنتهي بالسهولة بس هاي يرجع بالنهاية لنفسيتج و نفسية صديقتج انا و اخت ريلي قبل ما تصير طبعا اخت ريلي كنا اكثر من خوات و روح وحده و كانت تحبني اكثر من خواتها و هية كانت السبب في زواجي من اخوها بس بعد ما ربيت و هي ربت صار بينا مشاكل و انا يمكن ما غلطت اذا قلت لريلي اعتمد على نفسك و لا تعتمد على غيرك علشان ما يمنون عليك بعدين و هية خذتها على اساس انوا انتي تبين تبعدين بينا، و من ذاك اليوم و هي تقط علي كلام من يمين و يسار و تنزل فيني و اهلي الارض و كله علشان خاطر ريلي اسكت لها ، بس بعد ولادتها الثانية و كلامها لي على اساس اني حقوده و حسوده و على قولتها ام لسان اسود كل شي تغير ما عدت اكن لها اي حب او موده ، وانا ما امدح نفسي ان انا احسن منها و لا شي كل شخص له عيوبه بس هية زودتها وايد و خلت اهلها يتغيرون علي ، وانا تحملت وايد و الناس كلها تعرفها ان راعية مشاكل، بس الله يهدي جميع امة محمد
انا حبيتها وايد و ساعدتها وايد بس هية ناكرة لكل شي و دوم تمنن علي مع انها ما سوت لي شي ، مع هذا كنت اتغاضى عن كلامها بس الحين ما اقدر صراحتا و ارد لها في كل كلمة تجرحني و تقول ان تغيرتي، هية الي خلتني اتغير و اصير انسانة ثانية معاها
عمرها ما باست بنتي و لا ضحكت معاها ما اني احب ولدها وايد، و الله شاهد على كلامي و صفاء نيتي
و بالنسبة ان صداقتنا ترجع مثل اول مستحيل حتى لو هي تحسنت بس انا خلاص تكسر اشياء كثيرة فيني يمكن اكون لها صديقة و اخت اكثر من قبل لكن الحب في قلبي لها انتهى