خواتي هذا أول موضوع لي في المنتدى من بعد ماسمعت عن المنتدى وقرأت مواضيعه وردوده العقلانية حبيت أطرح مشكلتي واتمنى ألاقي منكم النصح والارشاد لاني تعبت من الحيرة والتفكير في الموضوع صار لي ماراح تصدقون سنتين وانا على هالحال وأريد منك الرد السريع لمن لديه الخبره في ذلك.
يا خواتي قصتي بدأت مثل أي قصة تمر بكل انسان . أنا فتاة ابلغ من العمر 27سنة تقدم لي شخص اعرفه من مدة طويلة هو واهله تقريبا من سبع سنوات . المهم تقدم لي من أهلي وكانت الفرحة الكبيرة لدى اهلي ولي أنا بالذات فرحة لاتوصف ولقد بنيت أحلام وآمال على هالشخص واعتبرته كل شي في حياتي ، وبعد شهر تقريبا من بعد أهلي استفسروا وسالوا عن الريال في كل شيء ولله الحمد هو انسان ما اقدر اوصفه كامل والكامل الله والحمدلله اهلي رضوا عنه ولكن كان هناك تردد من الوالد وغير مقتنع لأن الوالد الله يسامحة من الآباء الذين لا يشجعون على زواج البنت ويرفض كل من يتقدم لدى بناته . المهم بعد شهر اعطينا الجماعة الرد بالموافقة واتفق الوالد معهم على لحضور يوم غير تحديد الخطبة الرسمية يوم للتشاور وفعلا نفذ الولد واهله ما طلبه الوالد في اليوم المحدد وهنا الصاعقة الكبرى . قام الولد باحضار اهله معهم ( عمه وخاله وابوه واخوانه ) يعني ماشاء الله مثل ما تقولون مجموعة كبيرة معاه في هاليوم المفرح له ولي . والكل يعرف من طرفه وطرفي انه جاي بالطريق .(هو من منطقة بعيدة تبعد حوالي 300كم عن منطقتي . تصوروا المسافة.) اتصلت لأمه وهو وياها بالسيارة قلت له يرجع لأن ابوي ماراح يستقبله لا هو ولا اهله ما صدقني اعتبرها مزحة من عندي . وكمل طريقة . وفعلا ابوي طلع من البيت هو وامي واخواني وكل واحد راح يقضي شغله ولا كانه حد جاي يستقبلونه. ابوي قال لاهلي انهم ما يايين طبعا كذب عليهم . والجماعة وصلوا ما استقبلهم خير شر ولا حتى دخلهم البيت واعتذر لهم بالعكس طنش كل شيء وقال لهم انتوا ما تشرفونا ولا انكم من مستواناحاولنا نعرف شو السبب ما قدرنا وحاول اخوي يدخلهم البيت لكن ما قدر صارت مشكلة كبيرة بينه وبين ابوي لان هذه فضيحة وحرام ناس يايه من مسافة طويلة ع الاقل يشربون ماي او انهم يرتاحون مو شرط الرياييل الحريم اللي كانوا وياه وكبار في السن .
وبعد هذه السالفة ماقدرت أجرا اني اكلمهم وتكون بيني وبينهم اي علاقة بالمرة قطعنا بعض لمدة اربعة اشهر . وبعدها رجعت العلاقة بيني وبينعم بس بشكل سطحي مو مثل قبل واتهموني اني انا السبب وانا اللي حطيتهم بهالموقف السخيف ونزلت راسهم يالطين ,
وبعدها طبعا عماتي وخالاتي عرفوا بالموضوع والكل قام يواسيني ع الموضوع .
وفي يوم من الأيام انصدمت باكبر صدمة بحياتي . لما الوحدة تلاقي خيانة من اقرب الناس لها اختها ايه انعم اختها، اختي الله يسلمكم ما كانت تبيني لهالشخص بتاتا ، بتقولون ليش لأنها قبل كانت وايد تغار مني في كل شيء ، مع العلم انها احلى مني وايد وجمالها الكل يحسدها عليه والناس تحبها لكن ما ادري ليش كل هذا .
المهم اختي قامت عطت لوحدة من بنات عمتي رقم الولد اللي احبه وساعدتها على انها تاخذه وتكون بينهم مكالمات وعلاقة ، ومرت الايام وعلاقتهم كملت لها اربعة اشهر بالضبط وحاولت بنت انها تجبره الا يخطبها رسمي وصارت علاقتها مع اهله اكثر من السمنة ع العسل ولا يرضون على بعض .
بس امه ما رضت على هالعلاقة وقالت له مستحيل اخطب لك وحدة تكون من اهل اللي كنا خاطبينها .ووصل الخبر لبنت عمتي ان امه مو راضية وقال لها لا يمكن ازعل امي او اكسر قلب اللي حبيتها هي ما لها ذنب وقالت له كلمة خلته يفكر فيها طول الوقت وهي (انت مب ريال وكرامتك وكرامة اهلك مو مهمة عندك وكيف تاخذ وحدة اهلها طردوك ولا استقبلوك ولا احترموك وهاذيل ناس مو محترمين ) وقال حقها اوكي بخطبج بس بعده ما كلم اهله وهي بدورها قامت ونشرت الخبر وقالت للكل انها مخطوبة حقه رسمي وكلم اهلها وصار كل شيء .
بس رب العالمين اقوى على كل ظالم وحاسد وما يحب الخير لغيره . ما هي بشماته بس دعوة المظلوم مستجابة
ابوها ما رضى لما عرف انه كان خاطبني لكن امها وبسبب المشاكل اللي بينا لزمت الا توافق عليه علشان عناد فينا ز ما تمت خطوبتهم وصار بينهم مشاكل ولا صار اي شيء بينهم وانتهت علاقتهم . ولا احد من عمومتها او ابوها كان راضي حتى اخوها الكبير ما رضى ( لان الولد اعترف لهم انه يبيني واذا خذها مستحيل اتكمل معاه ويمكن يطلقها او يزوج غيرها لانها مو مناسبة له وهو بياخذها علشان كلمها وصارت علاقة بينهم بس لا اكثر ولا اقل ) وما صار نصيب بينهم .
وبعد فترة رجع الولد يطلبني من اهلي وقبلها ابوي ندم على فعلته وقال لي اذا يبا هو واهله يرد ويخطبج ، لكن انا ما رضيت لاني مستحيل ابني سعادتي على تعاسة غيري مثل ما سوت بنت عمتي وكيف آخذ بع ما الكل عرف انه كان له علاقة مع بنت عمتي .
انا الحين محتارة آخذه ولا لا وهو كل يوم يكلم اهلي ويبي اليوم قبل بكرة . لكن انا خايفة من بكرة واذكر اللي سواه فيني بخيانته وانا مستحيل نستمر مع بعض .
سامحوني اطلت عليكم واخذت من وقتكم الكثير بس اتمنى منكم المساعدة والسموحة .
سامحوني وانا اكتب لكم منهارة واعرف انا قصتي فيها نوع من النقص ولكن هذا المختصر بما معناه
ما يهمك كلام الناس شوفي رغبتك انتي الحقيقيه وصراحه انسي الحصل كله واقبلي بيه والايام ان شاء الله تنسيكم الحصل كله زي ما هو سامحك في العملو فيه ابوك هو واهله وتاني رجع لك انتي كمان سامحيه في غلطته مع بنت عمتك
وصراحه خيانته مع بنت عمتك ما تسوي احراج ابوك ليه هو واهله وما تستبعدي هي كانت فارضه نفسها عليه والله في رجال ما يقدرو يتصرفو مع جراة البنات وفي كلامك وضحتي هي اجبرته انه ياخذها وهو طلع شجاع كونه خبر اهلها انه ما يقدر يستمر
حقيقه الرجال شاريك وهي ندله ما تستحق اشفاق منك وافقي حبيبتي وانا متاكده حا تعيشي معاه احلي ايام وتنسي الحصل مع مرور الايام
وهو ما خانج بس اللي صار مو شيء كيف تبيه ما يدور حياته من جديد خاصة انه قطع الامل فيج
الغالية لو هو مو شاريج ما رجع و خطبج مرة ثانية
توكلي على الله و صلي استخارة
و الموضوع مكانه أظني قسم المشكلات الاجتماعية
و طمنيني عليج عقب
السلام عليكم ورحمه الله وبركاته
صلي صلاه الستخاره
وهذا كله بعد العرس بتشوفينه شي تافه
مشي عرس يمر بدون مشاكل