هرمون الحليب و الحمل

السلام عليكم ورحمه الله وبركاته
هلا خواتي سيدات الامارات اتمنى المساعده ؟؟؟؟؟؟
انا معرسه من 9 اشهر وماحملت وسرت فحصت طلع زياده في هرمون الحليب
والدكتوره عطتني دواء اسمه (DOSTINEX )الي يجفف هرمون الحليب ويساعد ع الحمل
فابغي تعطوني نصايح
ومشكوريييين

للرفع

حبيبتي هرمون الحليب يلعب دور في عملية التبويض يعني يأثر عليها
أنا قبل لا اعرس بفتره طويله كان عندي الهرمون مرتفع وخذت العلاج والحمدلله نزل

بس ساعات في امور تحفز الهرمون مثلا في اكلات تزيد الهرمون
اهم شي انج تاخذين العلاج وبأذن الله بتحملين على طول

وربي يرزقج الذرية الصالحة إن شاء الله

عزيزتي انصحج سوي حجامه لانها تشفيج تماما من هرمون الحليب

واشرببي البردقووش كوبين في اليوم ماشاء الله بيخووز عنج نهائيا

وربي يرزقج يارب العالمين

عادي فديتج لا تحاتين .. أنا ربيعتي كانت شراتج هرمون الحليب كان عندها مرتفع والدكتورة عطتها شرات الدوا إلي انتي تاخذينه "دوستنكس" وما شاء الله عليها عقب ما خذت الدوا بشهرين أو ثلاث حملت

بس أهم شي "النفسيــــــــــــــــــــــة" لا تفكرين مووووووووول لأن التفكير يرفع الهرمون..

الله يرزقج بالذرية الصالحة ياااارب

حبوبة صارلي نفس الشيء وعطتتني نفس الدواء.. وبفضل الله تعالى الحمدلله ماشاءالله حملت عقب بفترة،،
بس واضبي عليه والله يرزقج بالذرية الصالحة..