هاتي الورقة والقلم وتعالي نخطط حق الفترة من الملجة الى العرس

[size=4][size=3]السلام عليكم ورحمة الله وبركاته
شحالكم عساكم بخير وسهالة اولا اعرفكم بنفسي انا اختكم التفاح الاخضر من العين في الامارات — طبعا الفترة الى من بين الملجة الى العرس يبالها تخطيط لاشياء مادية ومعنوية ———- يعني اول شي بيخطر في بالنا الزهبة والذهب وكم يبالي فلوس عشان اشتري وشو الكمية و و و ———— اسئلة كثيرة والواحد بالتخطيط ينجز اشياء اكثر في وقت اقل –

اقتراحي انه الاخوات المعرسات جريب يكتبن عن خبرتهن في ها الشي — او اللي بيعرسن جريب يخططن عندنا في ها الصفحة بالتفصيل ————- وااكد لازم بالتفصيل عشان نتساعد بالافكار —-

اتمنى انه اقتراحي عجبكم
وانا في انتظار مشاركاتكم
مشاركتي الاولى في طرح موضوع
لا تفشلوني [/size][/size]

تـــــــــم نقل الموضوع للقـــــــــسم المخصص له.

[08]المشــــــــــــرفه[/08]

ياهلا ومرحبا بأختي التفاح الاخضر على فكرة انا احب التفاح الاخضر اكثر من الاحمر هذا اول شي ثاني شي تراني عملت اقتباس عشان اقدر اقرا كلامج وايد صغير وعيوني عورتني ثالث شي انا معرسة من زمان بس رزيت بفيسي ملقوفة شو اسوي على العموم حبيت اقول أحلى فترة بالنسبة لي كانت فترة الملجة على الرغم انها فترة قصيرة 3 شهور فقط بوالشباب مستعيل ماقدرت اتنفس خلالها بس كانت وايد حلوة وتمنيتها تطول وكنت احاول ااخر العرس بس ما قدرت،،،

على العموم مبروكين مقدما وعقبال العزاب،،، إن شاء الله

أنا بعد معرسة من فتره وفترت الملجة كانت قصير وااايد………

خبرينا أختي التفاح الأخضر عنج………….وعقبال الخوات أن شا الله……….

كلوووووووووووووووووووووووووووووووووووووووووووووووو وووووووووش

نجمة متلألأة
هلا والله سمحيلي على الخط والله حاولت اسوي تنسيق بس ما ظبط

المخملية
مرحبابج اختي — انا بعدني ما ملجت بس في احتمال يكون الاسبوع الياي لان بو الشباب عنده دوره ما يرخصونه
ادعليلي الله يتمم الموضوع

خواتي

والله مع اني بعدني ما ملجت يعني انا في فترة خطوبة مع ذلك احس اني افكر اربع وعشرين ساعة في الموضوع حتى في احلامي ههههههههههه … الله يستر عقب الملجة شو بسوي عيل
واحتمال يكون العرس في هذا الصيف ما ادري بلحق اجهز والا لا

شكلي مستعيلة لا؟
هههههههههههههه شكرا لكل من شارك وفي انتظار المزيد اتبادل الخبرات

بالتوفيق

ما شاء الله موضوع وايد مهم ل كل عروس

التفاح الاخضر الله يتمم لج على خير … وانا شراتج وملتجتي ب شهر 9 ان شاء الله
ربيعتي سألتني سؤال امبارحه تقولي شو بديتي شو خططتي تسوين ونصحتني اني ما اكثر ب لبس وهي بعد تراها عروس سنه اللي طافت شهر 12 2024 وعنها خبره
قالت لي اخذ لي بس فتره شهرين وما اكثر ونصحتي بعد ما اسوي ليز للانه له اثار جانبيه ويباله فتره طويله للعلاج ..
بس ما يلست وياها وايد بغيت اعرف وايد اشياء لاكن حبيت انها تكون بوقتها حلو واحس بالحماس بعد الملجه ان شاء الله

يا الله بنات شيدو حيلكم ولي عرست خبرينا شو سويتي وشو خذتي