شحالكم صبايا؟؟
اليوم بطرح عليكم مشكله و أبا أعرف رايكم بكل جديه.. ما أبا ردود مثاليه أبا أعرف كل وحده و رايها..
يمكن هالموضوع إنطرح قبل.. بس أنا حابه أناقشه و إنوسع النقاش فيه لأبعد الحدود و إنكون صريحين وااايد..
أنا ما ودي أجرح حد و الله يشهد على هالشي بس في موضوع مكدر لي حياتي..
ليش الأبيض ياخذ بيضه و الأسمر ياخذ سمره..
و لما سألت هالسؤال ردوا علي.. عشان ما يختلط النسب..ما فهمت ردهم شو يعني ما يختلط النسب.؟..
ما كان هالشي زمن الرسول ..و حتى لو قلنا زمنا غير عن هاك الزمن.. المفروض ايكون غير و العقول إتفتحت.. شو الي يمنع إرتباط إثنين بغض النظر عن ألوانهم؟..
بنات أبا رد ايسكت فضولي.. هالموضوع ايهمني وااااايد..
و حابه أسوي إحصائيه على هالموضوع
هل تقبلين الزواج بشخص لونه غير عن لونج..؟..
و أتمنى إتحطون السبب
أتمنى إتكون الإجابه بنعم أو لأ..
و أنا أول وحده لازم أجاوب..
عن نفسي بوافق.. بس المجتمع هو الي بيخليني متردده لأن الناس ما بيرحموني بالكلام..
اسمحولي طولت عليكم..
أتمنى التفاعل مع الموضوع على الأقل لأنه يهمني..
سلام
بس لو هليه خلوني خخخخخخخ
ما يخص اللون في الاخلاق والطيبة والتعامل ويوم القيامة ربنا لايحاسبناعلى الوانا بيحاسبنا على افعالنا
لازم واحد ياخذ واحد عشان النسل والعيال لان الهدف من الزواج هي الذريه
وانا اتمنى عيالي يكونون حلوين بس مب معاناتها اني افرق بالعكس ما افرق بينهم
بس مسأله الزواج مهمه هي شراكه واسره وعيال ومستقبل بعدين عيالي يمكن يحسون بالنقص
وانا مااتمنى عيالي بالمستقبل يحسون بالنقص باي ناحيه من حيث المظهر وكل النواحي
وحتى اهلي بيرفضون يمكن يذبحوني لو فكرت فليش نقص على عمرنا
الله كريم
اما اذا كان من قبيله ولونه بس اسمر من الشمس عادي
زمان انا كنت اقول عادي اتزوج اسمر اسود مو قبيلي بس بعدين جلست افكر اذا جبت عيال بيتعذبون بسبب الاستهزاء والتفرقه وبيلموني ويقلون انتي السبب
ومادام انه حلال لا تهمني لا العادات و التقاليد
ومهما كانت ردت فعل اهلي لو كان زين ليش لا مهما كان اصله ولونه
وانا بيضاء ع فكرة و حلاته التغير