اختي لاتعبين نفسيتج الطفل مايقدر يتعلم او يستوعب بالصراخ،،
هدّي نفسج الأول
اختاري وقت مناسب للتدريس
يعني خليها تنام بعد ماترجع من المدرسة نص ساعة او ساعة
يعني دوام من الصبح لحد العصر صعبة وهي بعدها طفلة تحتاج راحة ونوم،، اكيد ماراح تستوعب
بعد ماتقوم من النوم خليها تاكل وجبة خفيفة وبعدين درسيها بهدووووء،،،،، خليها تكتب كل كلمة 3 مرات بهذي الطريقة
look
say
cover
write
check
علميها في البداية كيف وبعدين اتركيها تملي نفسها بنفسها
تشوف الكلمة، تقراها، تغطيها بيدها، تكتبها على الغيب، تصحح الخطأ وتحاول بعد مرتين سواء كتبت صح او غلط
وتنتقل للكلمة اللي بعدها بنفس الطريقة،، لاتزيد عن ثلاث مرات لكل كلمة وابد لاتعصبين،،
المفروض تتدرب على نفس الكلمات مدة اسبوع واقل شي خمسة ايام يومياً نفس المنوال
اليوم الخامس مليها بنفسج بس بدون ماتعصبين عليها اذا غلطت
حطي في بالج اصلاً مافي رسوب في الابتدائية
ثانياً الكلمات بتتكرر معاها طول السنة الدراسية فإذا ماتعلمت الحين بتتعلم بعد اسبوع او شهر او آخر السنة الدراسية
راقبي أكلها ممنوع الشوكليت (لاحظت نوتيلا يسبب بلادة للطفل والله اعلم) والكورن فليكس والسكريات
خليها تاكل صدور الدجاج والبيض وسندويتشات الزعتر والخضرة والفواكه
خليها تلعب بالعاب الذكاء والذاكرة الخاصة بسنها،، كل شي بالتعلم والتكرار والتعود يسير
انتي هدي أعصابج ولا تضغطين عليها عشان ما تكره الدراسه
وبزيد عليها وبقول لا ادرسينها متواصل 4 ساعات 
خلي بينهم بريكات ..
وعشان انتي ما تعصبيين علميها طريقة انها تملي عمرها وتغطي وتدرس …
وبعد سوي لها حركة البطاقه يعني صوره تفاحة و الاسم ورى وبجي تروم تملي عمرها بروحها
وبخصوص لاكل عطيها مكسرات وزبيب وايد زين للذاكره وسمج لانه فيه اوميغا 3
ولا تعودين عمرج انه تقارنينها باخوها كل انسان له قدره وانتي حاولي اتحسنين من قدرتها
والله يسهل اموركم ان شاء الله
بس الحين صرت ادرس ابني بطريقة اللعب مثلا النمط اجيب دبين ومثلث واكرر أو بالحركة مثل انط وأسقف مرتين وهو صار يتعلم معنى النمط
وبالعلوم الحواس الخمس اجيب له امثلة من الكتاب وامثلها مثل اجيب له كتاب او طبق طعام وامثل له شو الحواس المستخدمة
وبالانجليزي الكلمات اخليه ينسخ وكل كلمة ينسخها ينطقه والعربي كذلك يهجأ الكلمة ويكتبها على حسب ما يهجيها واحيانا التنوين يحط نون آخر شي مثل جملً يكتبه جملن ههههه ….والله يعطينا القوة على متابعتهم وتعبنا وياهم