من فتره كانت أختي مسافره شرق آسيا 
وكنت موصيتنها اتيب لي شويه أغراض خاصه بلف الورق ..
حصلت بعض الأغراض واغراض ثانيه ماحصلتها ..
من ضمن الأغراض إلي كنت موصيتنها إتيب لي الأوراق إلي تكون مقصوصه وجاهزه للف الورق .. وقالت هذا إلي حصلته
شوفوا الصور
وعلى طول عرفت إن بهالأوراق يسون نجوم .. لأن كان في معاه كم من نجمه جاهزه
وكان في شرح بسيط على الكرتونه .. جربت اسويه بس ما ضبطت عندي .. وطنشت الموضوع 
من كم من يوم وأنا أسوي بحث في قوقل عن لف الورق ( فاضيه ) لقيت هالنجوم
طبقت الطريقه الموجوده بالنت .. وكانت اسهل من الموجود على الورقه .. وطلعت نجوم منفوخه وحلوه
والأحلى إنها بدون صمغ
شرحتها لكم خطوه بخطوه .. وإن شاء الله يكون شرحي سهل ومفهوم
وإذا استصعبتوا أي خطوه .. سووها مره ومرتين وثلاث وإن شاء الله بتضبط معاكم
يتـــبع
1- يبت الورقه ( تكون بالطول إلي تبونه بس مب اقل من 10 سم ومب أكثر من 30 سم وبعرض 5 سم ) وتثنونها مثل الصوره رقم (1)
2- تضغطون على الورقه وإتخلونها إتكون سيده
3- بتلاحظون إن في طرف قصير وطرف طويل .. تثنون الطرف القصير ع داخل
4- بتلاحظون إن الطرف القصير مب موجود .. لأن ثنيناه للداخل
5- تثنون الطرف الطويل ثنيه ورى ثنيه لحد ما نوصل لنهايه الورقه
6- نثني نهايه الورقه للداخل بين الطبقات
7- الشكل بعد ما ثنينا نهايه الورق
8- بأظافرنا نبتدي نشكل رؤؤس النجم
9- الشكل النهائي للنجمه
النجمه السودا سويتها بورق هديه موجود عندي .. وكل ما كانت الورقه أعرض بتكون النجمه اكبر
واكيد لي موضوع مستخدمه في هالنجوم في بطاقه أو بوكس .. ما أدري ما قررت للحين
وإن شاء الله ما أكون طولت عليكم
جربوا تسونها .. وأنا متأكده إنها بتعيبكم
خاصة الصوره الاخيره جنها حلويات تبين تاكلينهم هههههههههههه
احاول اجربها ان شاء الله