خواتي في هالمنتدى الغالي حابة انكم تشاركوني فرحتي
بتاريخ 20-2-2019 …. يوم الجمعة
احتفلنا بنثور رشودي
قولوا لا اله الا الله وماشاء الله ولاقوة الا بالله
اول شي اخترنا شخصية كارز لانة يموت على السيايير وكلة كاز كاز
البطاقة "وداخل لصقنا الدعوة واللي طبعها اسامي الغالية"
مدخل البيت "طبعا هالشغلة تعبلوبها محمد واسامي فديتهم اللي ركب فوق البيت واللي يايب كرسي ويعلق واللي يدور خيط الله لايخليني منهم يارب"
هالبوستر يمكن من 4 شهور ماخذتنة من تويز ار اص
حطيت المسجل والسماعات برع وشغلتلهم اناشيد طيور الجنة تموا اليهال واقفين ويترقصون
هذي النفافيخ والبابلز من التعليم المبكر شغلنا مال اشوم "يعني اسوم " مالنا اكتشفنا انه خربان هذا الشي الوحيد اللي يشفع لاشوم فديتها الوحيدة اللي تضرب رشود الله يحفظها يارب تمون تمون اشوم
اجرت نقازية .gif "12 (83)")
ماكنت اعرف لاشكلها ولا حجمها حجزتها على العمياني … بس عشان اليهال يستانسون
هذا الساحر صدق اليهال استانسوا علية والحريم طلعن من الميلس عشان يشوفون بس اتفاجانا انه ساحرنا قام يتوهق .gif "12 (93)")
ومعظم الالعاب بدت تفشل بس اليهال مصدقين ويصفقون قلنا عاااااااااااااااااادي هوه ميوب للصغارية
يلسنا اليهال عقب العشا واليهال طلبنالهم من ماجدونالد والحريم بوفية من قوس قزح
هذي وحدة من الالعاب اللي لاعبنا فيها اليهال عقينا كور في الحشيش واليهال يدورون الكور
هذي هدايا اليهال العاب ودفاتر تلوين ووو "من بوريال وريالين والحين ماشي بوريال كلة ب3 و5 "فديتهم يستاهلون اكثر بس صدق استانسوا
[
وهذي هدايا الحريم صحون وقوالب كيك "حطينالهم اسالة والغاز وهذي من اعداد شهودي فديتها
سوينالهم فراخ وجسمناه عليهم عقب ماجسمنا النثور بتلقونة مثل العلب شالينها في ايدهم وبعد من عند بوريال وريالين
سويت دفتر ووقع فيه كل من يانا الحفلة حتى الخدم وان شاء الله بحتفظ فيه الين يكبر
واخيرا هذي الهدايا وخليناها في بيت امية يوم شافتها اليوم اللي عقبة حرجت علينا قالت وصختوا البيت وروحتوا فديييييييييييييييييييييييت خشمها ادري انه نحن عسل على قلبها
وعقبال نثور العيوز اشوم اللي بنظربها يوم بتكبر فديييييييييييييييييييييييت روحها
واخيرا بشكر اللي ساعدني في هالحفل
امولة
شهد النعيمي
اسامي الشامسي
اسما النعيمي
امنة الشامسي
محمد الغملاسي
وكل صغارية العايلة اللي شاركوا في نفخ النفافيخ
اتمنى من كل وحدة تدخل تكتب كلمة لرشودي لاني بطبع الصفحة وبحطها في دفترة
فديييييييييييييييييييييييييييييييتكم يابنات منتداي الغالي
فديته والله وعقبال 1000 سنة
والله يحفظه لج ان شاء الله
