اول شي اشكر كل البنات اللي ف ها االقسم لاني دوم احط مشكلات ربيعاتي
والحمد الله تنحل هاي المشكلات بفضل الله وثم بفضلكم
الحين مشكلة وحدة من ربيعاتي هي مالجة حاليا
وتقول فبل لما كانت مخطوبة و في بداية الملجة كانت حياتها عسل وتقول تستوي بينا مشاكل بس مشاكل عادية وكل واحد يراضي الثاني و ينتهي يومنا ع خير
"وهي ع فكرة كانت مخطوبة يعني ملبسينها الدبلة مدة سنة بدون عقد قران"
تقول الحين لما نتزاعل خلاص كل واحد فينا يمد بوزه
ومانراضي بعض
مثلا تزاعلنا وصكينا التلفون عن بعض
ما يتصل بعدين مووووووووول مثلا يمر اليوم وما يتصل
واليوم الثاني يتصل عادي ومرات يعتذر ومرات يسولف عادي
هي ما تحب تعتذر تقول : "اخاف اعتذر ويتعود اني انا اللي اراضيه"
هي تعبانة من هاي السالفة
تعبانة من كثر ما يتزاعلون
وبعدين يردون لبعض
حياتها استوت جي
تقول تعبت وااااايد ومره هي رمسته عن الموضوع من شهرين
بس السالفة تتكرر خلاص تقول اخاف اقول شي اندم عليه اخاف اطلب الانفصال…
يوم الاثنين المساء تزاعلت وياه ولين الحين ما اتصل فيها
واليوم يوم الاربعاء و بيخلص اليوم
هي تدري انه طولت ف الخطوبة و الزواج اتقول اخاف استعيل وبعد تستويلي مشاكل ………..
مع اته ريال زين للإمانة و ما قصر مع ربيعتي بشي
يالله نتريى نصايحكم الزينه لربيعتي الحلووووووووووووووه
دعواتكم لها بالتوفيق
يالغاليه مده طويله…
انا راي هذا كله بسبه الفتره الطويله يمكن صار ملل وجي يعني …
غناتي..هالحين المالجين ويطولون بالملجه تستوي مشاكل …فمابالك بالخطووبه يمكن يكون الريال والله اعلم بيراضيها لان فتره خطوووبه ومايبي يزعلها..عسب مايصير انفصال بسهوله…وهالحين صار الموضوع جد …وقبل الانفصال بتم اتفكر ميه مره قبل لايصير انفصال..
الله يعينها ويسخرلها الخير…
والسموووحه هذا راي وبس…
بتكون حياتهم غيررررررررررررررررررررررررر
صدقيني من دام الاشياء اللي يزعلون عليها سخيفه
خلهم يستعيلون بالزواج والله يكتب لهم اللي فيه الخير
المشاركة الأصلية كتبت بواسطة نور حياتي 
الغاليه نور حياتي انتبهي
لايجوز قول بفضل الله وبفضلكم بل قولي بفضل الله ثم بفضلكم
أخبرنا يوسف بن عيسى قال حدثنا الفضل بن موسى قال حدثنا مسعر عن معبد بن خالد عن عبد الله بن يسار عن قتيلة امرأة من جهينة
أن يهوديا أتى النبي صلى الله عليه وسلم فقال: إنكم تنددون وإنكم تشركون تقولون ما شاء الله وشئت وتقولون: والكعبة. فأمرهم النبي صلى الله عليه وسلم إذا أرادوا أن يحلفوا أن يقولوا: ورب الكعبة ويقولون: ما شاء الله ثم شئت )
شرح سنن النسائي للسندي
والله يصلح مابين ربيعتج وزوجها ويبعد عنهم الخلافات ويوفقهم في حياتهم