شحالكم بنات … عساكم بخير وعافيه دوم يارب…
بدخل فالموضوع علطول…
بنااات نحن كلنا نعرف ان وايد ناس صار ماعندهم ضمير وماخذين الدنيا لعب ومافكرو ان هالدنيا
وراها عقاب وحساب وان رب العالمين فوق وما ينسى حد…
انا احس ان الناس قامت تظلم وماهمها شي وما فكرت ان الدنيا داوره وان الجزاء من جنس العمل..
صراحه وايد بنات انظلمو مع رياييلهم..يعني مثلا ايي واحد يخطب بنت ويملجون وشوي يحب وحده ثانيه ويسير يطلق حرمته ويتحجج لها بأي اسباب ونحن ما نناسب بعض وانتي كل حد يتمناج وانا مابظلمج وياي وانا مب مرتاح ومن هالكلام ويطلقها بس جييه بدون سبب بس لنه لعاااااااااب!!!
أو ياخذ وحده ويعرس عليها وعقب ينعجب بوحده ثانيه ويطلق حرمته عسب ياخذها..
حسبي الله عليهم..
مافكرو ان وراهم رب كبييير ما ينسى!!! ما فكرو ان الدنيا دواره !!! ما فكرو ان الجزاء من جنس العمل!!!!
وان اي يسوي الله بيرده عليه يوم من الايام!!!
الله يمهل ولا يهمل…
يعني بكل بساطه مثلا واحد كان على علاقه مع وحده قبل بس ما خطبها لنه أهله ما يبونها ويسير يخطب وحده ثانيه وعقب ما يملج او يعرس يحس انه بعده يحب الاوليه او انه ما قدر يحب حرمته وبعده على حبه الجديم وماقدر ينساه ويسير يطلق حرمته وشو عذره بس انا مب مرتاح وماقدر احبها وانا ما بظلم البنت!!!!!
انزيييين تراك انت اذا طلقتها يعني ظلمتها!!! شو ذنب هالبنت مسكينه خطبتها وتزوجتها وخليتها تحبك وتتعلق فيك وآخرتها تطلقها بدون اسباب!!! الحينه منو بياخذها وهي معرسه ومطلقه!!!
ليش يعذبها ويخليها ..ليش بس يفكر بنفسه وما فكر فغيره….
والله انهم أنانييييين..بس يفكرون بنفسهم..مافكرو فالحرمه ولا فأهله ولا أهلها بس فكرو فأعمارهم…
محد يراعي حد ولا يراعون مشاعر حد..ليش يعني لهالدرجه بنات الناس استوو لعبه!!!!
والا الزواج استوى لعبان!!! والا الطلاق استوى سهل!!! والا شسااااالفه!!!!!
انا منصدمه وااايد….
واللي اباه منكم يا بنات..يعني اللي تعرف سالفة ظلم مثلا واحد ظلم حرمته والا وحده ظلمت ريلها والا اي وحده ظلمت حد والا اي واحد ظلم حد ياريت تكتبون لنا سالفتهم يعني شو استوى عقب…هل هم توفقو والا لا؟؟؟ وكيف الله خذا حق المظلوم ؟؟؟ وشو استوالهم هييل اللي ظلمو..يعني الله رد عليهم هالشي؟؟؟
ندمو وحسو بالذنب عقب ما ظلمو؟؟ الله عاقبهم؟؟؟
لأن انا اسمع ان الريال مثلا عقب ما يطلق الحرمه بدون سبب (ظلمها) ويسير ياخذ غيرها ما يتوفق مع الثانيه او ما يروم يستمر ويندم ويبا يرجع للأولى ويحس فجيمتها ومن هالكلام…
ياريت تفيدونا يا بنات..اكيد اغلبكم يسمع بهالسالفه..
اي سالفة تخص هالشي خبرينا عنها..سواء حد من اهلج والا اربيعاتج والا ريلج او اي حد..
ابا اعرف شو نهاية هييل الظاااالمين.. لأن الله ما يناسهم ويعاقبهم ويعجل عقباهم فالدنيا..
انا وايد سمعت بس ابا اسمع زياده…
لأن المظلومين يبون يرتاحون ويبون يسمعون شو يستوى بالظالمين عسب يتريون هاليوم اللي الله بياخذلهم حقهم ويرتاحون…
أنا أعرف ان الله ما يضيع عنده حق وإن الله ما ينسى..اذا هم نسو لكن الله ما ينسى..
والحمدلله لأن عدنا رب عظييم وحق وعادل وأحكم الحاكمين وما يظلم ولا يحب الظلم…
الله حرم الظلم على نفسه فكيف عباده!!!!!!
والظلم ظلمات يوم القيامه…
والنعــــــــــــــــم برب العالمييين العزيز الحكيم….
ورب العالمين ينصر المظلوم لو ان شا ءالله عقب عشرين سنه
قال تعالى " ولننصرنكم ولو بعد حين"
أدري طولت عليييكم بس والله مقهورة وابا أطلع اللي فخاطريه..
ابا اشوف قصصكم وردوكم…
والسمــــــــــــــــــــــوحه…
لا إله إلا أنت سبحـــــــــــــانك إني كنت من الظالمـــــــــــــين
اللهم حقق ل (عشيق الروح) كل ما تتمناه وريحها وطمن قلبها ووفقها وااحفظها من كل شر وارزقها وانصرها على من ظلمها وخذ حقها عاجلا وليس آجلا يارب العالمين
لا إله إلا أنت سبحـــــــــــــانك إني كنت من الظالمـــــــــــــين
اللهم حقق ل (عشيق الروح) كل ما تتمناه وريحها وطمن قلبها ووفقها وااحفظها من كل شر وارزقها وانصرها على من ظلمها وخذ حقها عاجلا وليس آجلا يارب العالمين
الغاليه انا بقولج قصه تشابه قصتج .. الريال ظلم بدون مايقصد واحين مو متهني
هله خطبو لاخوه بنية صغيره في العمر وماعندها احد وامها وابوها كبار فالعمر و يوم يا بيعرس اخوه العود
قال انا مابغيها .. فقالو خلاص هاي حقه اهوا .. واهوا مايبغيها كان يحب بنت عمه
سكت عن السالفه .. ويوم يا بيعرس قال مايبغيها ويبغي هذيج
والبنية وااايد صغيره و يوم ابوها جاف انه انخطبت مرتين وعقب فسخو قال اي حد ايي بعرسها لانه مايضمن عمره
وبتم عند منو عقب .. ياها وااحد شيبه ووافق عليه .. هالشيبه بهدلها فحيااتها اهوا واهله
والريال عرس على اللي يحبها ويااب منها 6 بنات .. ويبي ولد
سار وعرس عليها ..
المهم مرته الصغيره كانت وااايد اوكي مطلقه وعندها ولد ..وياب منها ولد بس من خذاها مارتاح
ياو سكن فالبيت و كل مايغير البيت ايون وراه وجم مره ياب مطوع يقرا وماااااااشي فايده
الصغيره تقوله حرمتك الكبيره مسويتلي عمل عسب ماتوفق
والكبيره تقول اهيا اصلا ملبوسه ومااشو .. وزعلت وسارت بيت هلها
وعقب توفو 3 من بناته اللي من حرمته الاوليه ..
واحين طلق الثنتين ..
اهوا ماظلم هذيج بس مسكينه اظلمت عقب مافسخ الخطوبة منها والكل يقول الله يردها فيه
ماتعرفين الغاليه الواحد ليش يسوي هالشي
بس الشي اللي لازم تتأكدين منه ان الله يريد لج الخير .. وانه ماااكان لج نصيب فيه ولا كنتي بترتاحين وياه
الله يوفقج ويبعد عنج عيال الحراام .. آآمين