ابا اعرف هل انا الوحيده الي امر بنفس الحياه و الا في حد نفسي
انا زوجي و لله الحمد يصلي و يعاملني زين و ما يغلط علي و يوفر لي الاشياء الي احتاجها و عندي منه بنت عمرها الحين تقريبا 4 شهور
مشكلة زوجي قليل الرومانسيه ، ما يحب يلس في البيت .. عيزت و انا اطلب منه انه يلس وياي نقضي وقت ويا بعض .. حتي في الويك اند يطلع من المغرب و ما يرد الا الفجر .. و يوم السبت الي مفروض يكون حقي قام الحين يتعايز حتي يطلعني .. يقول متعايز و تعبان بس فليل يسير عند ربعه و ما يحس بهذا الاحساس .. ما عرف كيف اغيره و ليش هو ما يحب يلس وياي او يعطيني بعض الاهتمام .. احس اني مكتأبه و مب عارفه كيف اخليه مثل صديقي يقاسمني متعة الحياه
حاولي تهتمين فيه أكثر يعني شوفي شو يحب
وحاولي تكسرين روتين البيت وسوي اكشنات في البيت خخخخ
انتي حاولي ماتنفريه بكثرة المشاكل والزن
لكن مب معناته العيب فيج احيانا الريال مايكون عنده مسؤوليه
اقري مقالات ناعمه الهاشمي وكثفي الدعاء
المهم اللي عليج تسوينه شوفي شو اهتمامات زوجج وشاركيه اهتماماته لو كرة قدم شوفي هو يشجع اي فريق ويوم بيلعب هالفريق انتي سووي جو ف البيت مثلا سوي سويتات وحطي حب وجهزي اشياء هو يحبها ولبسي لبس غاوي على لون الفريق ، واذا اهتماماته مثلا جم وسوالف صاله ما صاله بروحج دوريله ف النت مثلا اشياء تفيده ، واذا جووهه لعب ورقه اتعلمي تلعبين ورقه ولو يرد الفجر قوليله ابا أللعب قيم وياك ولا قبل لا يتقيلل الظهر ، واذا جووهه بليستيشن والاكترونيات حاولي تشترين هالامور وتتعلمينها وتلعبين معاه .. يعني المختصر المفيد شاركي ريلج اهتماماته بيتقرب منج وبيقضي اغلب وقته وياج .. بس كل شي بتسوينه له حطي لمساتج الانثويه فيه اقل شي لبس واذا مب لبس ميكب خفيف يعني شاركيه جووهه بحيث انج تلفتين انتباهه لو مندمج في اي شي يعني شديه لج بس بعفويتج من غير تصنع وباذن الله بتخلينه يحس بالندم على الوقت اللي راح وهو مقصر ( انتي وشطارتج في هالموضوع ) ..
وحاولي وحاولي تشاركينه اكثر واكثر صدقيني مع مرور الايام بتحسين بانسجام بينكم .. الله يخليكم لبعض
