من كثر الرعب الي شفته امس بطني وظهري يعوروني وايد

السلام عليكم
اول شي انا حامل في نهايه الثالث
امس دشيت المطبخ جان احصل سحليه ولا ما ادري شو بس ينقز نص متر اول ما شافني وكنت شايلي ولدي كان ياي يهجم علينا كان على اليدار في اخر المطبخ وما اجوفه نقز على الطاوله او الي يسمونه كاونتر وتم ينقز صوبنا و كان يجسمه يطلع صوت لما ينقز المهم وانا من شده الهلع والخوف لما شفنه قرب صوبنا لفيت وشردت من المطبخ لين الصاله ومن امس لين احين بطني يعورني وايد وايد نفس عوار الدوره وظهري بعد بس اكثر من كل مره حتى كل شوي اقول احين بنزل
على فكره حملي الاول على طول احس عوار الدوره بس ما يعورني وايد بس احين وايد واحس في رحمي حراره وظهري بعد واحسن اني ابا ازوع احيانا

هل شي عادي طمنوني

فديتج ما في الا الخير ان شاء الله
بس لاتفكرين في الموقف

ردة فعل طبيعية

وريحي ونامي بالفراش وارفعي ريولج وما عليج شر

واذا زادت الاوياع سيري لاي عيادة

واقري ع عمرج وبيتج

وشغلي البقرة في البيت

حبيبتي الله يساعدج عاد سحليه مره وحده!!اني لوبمكانج بموت من الخوف
ماعليج شر حبوبه اكيد من الرجفه والخوف ارتاحي ولتتحركين وايد
واذا تم الألم سيري عياده احسنلج لان ألم الظهر والبطن مب زين!
ربي يشافيج ويثبت حملج

انا من امس وانا طول والوقت يالسه وريلي قلي اوديج العياده قلت له بيحوز واليوم لما نشيت لين اخينه بعده يعورني

ارتاحي كم يوم وان شا الله تزول الالام

ام ميمي

هيه واالله يزيغ حتى لما قلت حق ريلي ما هتم اتحراه هاه الي يسمونه يصلي قالي ما يخوف دش المطبخ حصله يالس يلست السباع وحتى عضلات ظهره وكتبه واضحه قالي شو ها فصيله يديده من السحالي قال لا مسنحيل اضارب وياه ما اروم عليه وسار ياب مصايد وحطيناهم في المطبخ

بس يالسه اقول اليوم اليمعه والخاص مبندين يعني اسير الطزاري لو زاد الويع او اطور الوضع