من بريد المشكلات

بسم الله

مشكلتي يمكن اتكون غير عن المشاكل اللي تنطرح فالقسم من حب وزواج وخيانة

انا مشكلتي يمكن اعتبرها حالة او شدة بتزول ومن كثر ما انا خايفة حبيت اطرحها عليكم

عل وعسى القى الحل !!!

انا بنت عمري 22 سنة والحمدلله مرتاحه فحياتي ويا اهلي وعندي ربع ماشالله عليهم

وقمة فالاخلااق وعمري ماأذيت اي انسان او ظلمت حد وحتى لو ظلمت احس بغلطي واعترف واعتذر من اللي ظلمته واطلب العفو من رب العالمين والحمدلله علاقتي بربي تمام التمام واصلي كل فروضي واسمع القران كل يوم واتحصن

انا كان عندي ربيعه (صديقة سوء واكتشفت انها بوويه عفانالله بس اكتشفت هالشي عقب مافات الفووت ) كانت حالتها اعوذ بالله بس من اتعرفت عليها حاولت قد مااقدر اني اصلحها يا يوم وخبرتني ان ربيعتها اللي دوم وياها مسوتلها سحر !!! وحصلوا السحر وعقووه للعلم هي واايد اتحبها لدرجة ان هالسحر خلاها تتعلق فيها اكثر وخلاها تغلط على امها وماتسمع غير كلام هاي اللي مسوتلها سحر

المهم علاقتي في هالبنت انقطعت بس هي اتلاحقني وكل يووم اطرشلي مسجات عشان اسامحها وانا مابا اردلها لان سمعتها وسمعة ربعها فالحضيض

وانا مااتشرف فيها انا حاولت اغيرها بس هي شكلها ماتبا المهم هالسالفه صارلها سنه

من شهرين ماقامت ادق لاني هددتها اذا دقت اخواني بيتصرفون وياها بس هالشهر مادري اعوذ بالله طلعتي وقامت اطرش مسجات عشان اردلها وان هي اتغيرت واستوت اوكيه بس انا ماصدقتها لان سوت هالحركة اكثر من مره وكل مره اتقول لي اتغيرت ويوم ارمسها القاها اخس عن قبل ,, وانا بصراحه مرتاحه لان هي مب ربيعتي بس من قامت اطرشلي مسجات هالفترة وانا بسرعه اتنرفز واحرج لدرجة والله ماتتصورونها وهي ردت اترمس رببيعتها اللي مسوتلا سحر بس ماخبرتني وانا عرفت هالشي
والله ان من تطرش مسج احس ان الدنيا تنجلب فوق تحت احس ان الشياطيين جدامي
قمت اسبها واغلط عليها وهي (ياويه استح ) ماتحس بدمها واتم تترجاني ارمسها

حالتي اتغيرت للاسوأ والاردى رقادي متقطع والطااامة الكبرى ان ساعات تيني حالات احس اني بختنق احس مثل الصخرة الكبيرة ع صدري والله ياخواتي مااقص عليكم ان صدق احس ان شي كبير ع صدري وكنت اقول يمكن من الملابس الداخلية ( القطعة اللي اتكون فووق وسوري ع الكلمة )) يمكن يكون ضييج علي فأفصخه وبعد احس نفس الشي شي كبير ع صدري اسير اقرا قرآن اصلي ركعتين وبعد نفس الشي ماتغير الحال

قلت يمكن من جو البيت فطلعت برع فالحوي وآآآآآخ من هالحالة اللي مب طايعه تتغير احس اني بمووووت من صدري

اتغيرت حالتي يابنات صرت عصبية لدرجة ماتتصورونها وانا ماكنت جي ,, وكله راقده حتى وانا اكتب لكم احس ان شي ع صدري مثل الصخرة مثل شي اثجييل متمكن فصدري مب طايع يخووز انا خايفة انها ساحرتني او مسوتلي سحر وانا اتوقع منها اي شي والله ربعها عافانالله يشربن ويدوخن وفوق كل هاا راعيات سحور وطبوب فما استبعد هالشي منهم للعلم هي اتعرف بيتنا

اخاف اكون مسحورة ولا شي انا ماعرف في هالسوالف حالتي بدت اتسوووء وربعي بدوا يلاحظون هالشي من عصبيتي قمت انفر من كل حد وبديت اكره الناس القراااب مني بديت اكره كل الناااس ولا اشتهي اجابل حد

انا مابا اقول حق اهلي بالسالفه ابا احلها بروحي مابا ادخلهم فمشاكلي ابا اسير عند المطوع بس منو بيوديني لازم حد من اهلي وانا مابا اخبر اهلي

بنات ادري ان هالشي يمكن تلقونه سخييف بس والله ان هالشي كبيير بالنسبالي

ياريت اللي عندها خبرة فهالسوالف اتخبرني شو اسوي

اعتبروني اختكم الصغيرة ومحتاجة نصايحكم وخبراتكم

الله يحفظكم وسامحوني ع الاطالة ,,,