السلام عليكم ورحمة الله وبركـاته..
احبتـــي… وضع بريد المشكلات من اجلكم…
منكـم ولـكم…
والهدف الحقيقي من فتحه هو مد يد العون لبعضنا البعض
والمساهمه في الاقتراحات الفعاله والاراء البناءة…
ولكي نحقق معـاً اروع النتائج.. لابد من الوقوف على اهم النقاط
اولها : نحاول ان يكون الرد ايجابي يبني لا يهدم
ثانيها : تتفاوت درجات المشكلات ولكن يجب ان نعلم ان لم تكن المشكله مهمة لدى البعض
فهي مهمة لصاحبتهـا
السلآم عليكم ورحمه الله وبركآته
آخوآتي بدخل في الموضوع على طول
مشكلتي هيه اهل زوجي ,, سبحان الله على الكلام الي كان يوصلني عنهم انهم مب زينيين سكت وصبرت
وافقت على زوجي لآنه ريال والنعم فييه واخوه ريل خالتي فخالتي كانت وايد تمدح ريلي وحببتني فيه وافقت وتم كل شي على خير وعرست ,,قبل ما اعرس كان ريلي يقول حق اهله حرمتيه غير عن باقي الحريم ودووم
حرمتيه وحرمتيه يعني يمدحني ,, وخوآته وحده تمووت على اخوها وتغااار وايد مني
حتى مودره ريلها من سنتين ويالسه معلقه لا هيه عند ريلها ولا انها مطلقه والاخت الثانيه عسـل على قلبي فديتهآ فاهمتني عدل ,, الموهيييم 2 من اخوان ريلي الكبار كانوا معرسين
الاولى الي هيه خالتيه مايسلت عندهم لانهم على حسب كلآمهآ كانوا يعقوون عليها كلام
والثانيه نفس الشي !!
اول 3 شهور عسل عمتيه واخت ريلي الي تمووت على ريلي
من اول مايلست وياها قالت لي انا ماكنت اباج تكونين لـ اخويه كنت اباله وحده مثقفه
قلت لها عمرها الشهاده ماكانت اساس سعاده أي شخص وعمرها الثقافه مايبت من الشهاده
شوفي امهاتنا ويداتنا حكيمأت وعارفات كيف يحلن امورهن وماكانن يدرسن بس الحياه علمتهن
انا صح ماعندي شهاده جأمعيه بس الحمدالله عارفه امشي امووري والكل عآرف اني اعرف كل شي
يعني هذي اول المشآكل الا وهيييه اخته الحبيبه ,, انا من عآدتي مآآخبر ريلي بكل كبيره وصغيره
تصير بيني وبين اهله بس يوم خلآلآلآلآلآلآلآلآلآلآلآلآلآًص يطفح الكيل عندي لآزم افضفض
على الاقل اخبر ريلي ولا اني اخبر امايه ريلي ستري وغطآيه اما امي اكيد بتزعل وبتكبر الموووضووع
المهم حملت وطااااااااااح وكله من اهله اونه فلانه حملت وماياها شي وعلانه حملت وكانت تشتغل ياناس
جسم عن جسم يفرق توني مطيحه من شهرين ويبوني احمل يعني انا الي تعبت وترقددت في الدختر اكثر عن اسبوعين وهم عآدي عندهم ولا هامنهم!!
الله يطول عمر الوالده ماقصـرت فديتهآ
ادري اني طولت عليكم بس حبيبت افضفض والله اني تعبانه يابناااااات من سالفه الحمال ومن العمه أكثر شي
الله يهديهآ يوم يآحلآتهآ وشهر يالله مشينهآ ,,
مادري شو يايبنهآ عليه تعق الرمسأت عليه بلا حآسيه وريلي حآس فيني بس شو مابيده شي
مانقدر نطلع بيت بروحنأ الظروف مآتسمح لنا ,,
يعني تخيلن بنااااات ريلي اشرلي قالي تعالي الغرفه ,, دخلت عنده قالي بظهر بسير عند ربيعي وبيي قلت له اوكي
ورديت يلست عندهم كانوا يالسين في الحووش عقب ماروح ريلي قالت شو انتي مأتعرفين الادب وانتي ماعندج
مذهب واواولخ اونه ليش اروح عند ريلي اونهم نحن مابناكله !!
ولا بدوون نفس ماقالت لي شي قلت لهأ شحالج عمتيه شو اصبحتي والله انها ماردت علييه !!
طنشت جان ترمس بنتهآ شو تسووين قالت اعلم ,,,,,,,,,فلآنه ,,,,,,,,,, الخبز قالت لي عن لا تعبين عمرج
وتحترق اينديج علمنا نآآآس وقلنا انهم بيفتحون بيوت واطلقوا >> تنقمني تقصد حرمه ولدهآ الثاني حسبي الله ونعم الوكيل علييييييهم
والله اني بمووت والله لو اهليه يدرون بسواياها ليـسفرونهآ بلآدهآ ,, والله لاآحترام ولا شي
معنه اهليه موصينهآ عليه وانا محطيتنهآ في عيوووني لكن شو نقوول ولا والقهر جدآم ريلي
اونه طيبه فلآنه كلي فلآنه مآدري شوو ,,صدق قهررررررررر !
الحمدالله انه ريلي يمووووووت عليه ويحبني ويحترمني ويحب اهليه الله لا يغير علينا ياارب
بنات ساامحووني ادري اني طوولت عليكن وايد بس والله مالي حد من عقب ربي اشكيله الحآل غيركن
أدعولي انه الله يرزقني بالذريه الصالحه ويهدي عمتيه ,, ~
ياما عمآت يالله مخيرهن وربي يرزقهن بحريم اعيال عوفآت والعكس صحيح
هذي حآل الدنيا والله كريم
المشكله تم تعديلها واختصارها لتكون صالحه للنشر 
والله سمعناا اكثر عن جي بس شوه بتوسيين هذيلاا اهله مهماا كان
وان شاء الله تظهرين بييت بروحج وترتاحيين
وعن الطبااخ دشي المنتدى وتعلمي من رووحج عن يتمننون عليييج
انا ما عندي شي اقوله لج غير الدعاء يالغويلي ،؛
الله يفرج همج و ايسر امرج و يرزقج بالذريه الصالحه يا رب العالمين ،؛
الله لا فرقج انتي و ريلج و يديم المحبه امبينكم يا ربي ،؛
و الله يهدي عمج و بناتها و يصفي القلوب و النوايا يا رب العالمين ،؛
حبيبتي والله
ربي يووفقج ويسعدج
طوولي بااااالج مهما كاان هاي عمتج ام ريلج يعني في حسبة امج حتى لو شو قاالت لكن فالنهايه استحمليها يمكن حرمة كبيره وانتي تعرفين العياييز كيف يكون تفكيرهم وتصرفهم اتحملي عشان ريلج
وربي يرزقج بالذريه الصااالحه ويييسر اموورج ويسعدج
الله لا فرقج انتي و ريلج و يديم المحبه امبينكم يا ربي ،؛
و الله يهدي عمج و بناتها و يصفي القلوب و النوايا يا رب العالمين ،؛