من بريد المشكلات ~ ~ المشكلة الـ 26 ~ ~

حبيبتي والله

غمضتييني ,,

ان شا ءالله البنات يساعدونج ,,

وع فكره ,, لا تخلين هالأشياء تفقدج الثقه بنفسج ,, ><" !

بالعكس انا ما اشوفها مشكلة صغيرة
ولا مشكلة كبيرة
هي مشكلة مهمة
لان الكلام ثاني شي يظهر للناس عقب مظهرنا الخارجي

انا رايي اتدشين الانترنيت وادورين عن طرق تدريب النطق
واكيد بتلاقين وايد اشياء اتناسبج
وما بتلاقين العلاج بين يوم وليلة
هالشي يبالة تدريب مستمر قد يصل الى شهور
والله وياج

الغاليه انت امكبره الموضوع عادي
انا شراتج انطق حرف الراء بغلظه شوي
في البدايه كنت عادي معن بيني وبين نفسي اعرف اني ما انطق الحرف صح لكن عادي
وقلت ان مافي حد ملاحظ يعني ابدا محد علق عليه ابدا
لين ما اتزوجت ريلي انتبه ان حرف الراء عندي شوي يلف انطقه بطريقه ثانيه
لكنه قالي والله ان الحرف هذا اللي تنطقينه يزيد حبي لج .. اونه يقول كله دلع في دلع
وشراتج بعد المصيبه اذا كانت كلمه فيها 3 رائات اضيع ههههههههه حاولت اني اعدلها ما عرفت
وبعدين خلاص طاف … كل شيء لازم اغيره عشان الناس لين متى ؟؟؟

لا تهتمين في هالموضوع واااايد .. وانج تتكلمين بسرعه يوم بتعرسين بترمسين بهداوه لأنج بتستحين لووووووووولز

حبييتيه حلااااااة منطووقج وكوني واثقه بعمرج يعنى يوم بتملجين ان شاء الله لا تبينين له ان النطق مشكله بالنسبه لج بالعكس بيني له انج راضيه وعايبنج وهو بيستانس بعد وهالشي يميزج عن غيرج اما بالنسبه لموضوع السرعه فالكلام قبل ما تنطقين خذي نفس واتمهلي اشوي وركزي اشووي وان شاء الله امورج عااال العاااال ….

وتقبلي مروري وربيه يتمم لج العرس ع خير

انا اعاني من هاي المشكلة ( نطق بعض الحرف معكوسة او غلط – مثل السين سثاء خخ – الراء مرات لام و مرات غين – و مرات الحروف في الكلمة معكوسة مثل ردم رمد – خخخ _
و خليتها في صالحي و ميزة فيني .. يعني خليتها نوع من الدلع خخخخ … مرات تصيب و مرات تخيب .. بس احاول بشكل غير مباشر اني انطق الحروف صح ….

و بالنسبة في موضوع التكلم بسرعة … حاولي تاخذني نفس بسيط .. و اضبطي سركة( اهه قصدي سرعة خخخخ) كلامج مع حركة اصابع ايدج ( نوع تذكير لتخفيف سرعة الكلام ) بدون ما حد يلاحظج … ..

ومرة و مرة بتحسين انج تتكلمين بسرعة عادية و مفهومة ….
لا تحطي في بالج انه فيج على او مرض او حالة نفسية .. و مالها حل ..
حاولي لا تفكري كيف تنطقين الحرف صح و انتي تتكلمين لان هذا بيشتت ذهنج و بيخلي مشكلتج اعمق و حلها اصعب لانه عندها الناس بتنتبه له و بتبدا المضايقات العفوية و بعدين التجريح و الي يعقدج اكثر و اكثر .. و الموضوع في الاساس ما يحتاج كل هالتضخيم …

و الله يسهل لج امورج

عادي انا اتكلم بسرعه بعض الاوقات بس طاف صاروا يفهموني ويستانسون ويحاولون يلحقون اللي يرومون عليه من الرمسه خخخخخخخخخخخخخخ وريلي عودته بس احيانا ابطئ الحديث خاصه اذا يبالها نقاش عسب الطرف الثاني يستوعب ويعرف يتناقش معاي يعني مره جيه ومره جيه والحياة حلوة لا تاخذين فبالج ريلاكس عزيزتي