منو عمتها ماكانت وياها برباها لظروف ؟؟ والله حازه في الخاطر

السلام عليكم ورحمهـ

انا اليوم وايد مظايجه وراسي داير علي من سالفه ’’

موعد رباي بتكون عمتي يطولي بعمرها في الدين يعني العده ..

انا موعدي 18 اربعه وهي بتطلع من الدين 14 خمسه

مافي شي ياخر الربى ؟ ادري الكل بيستغرب

بس كنت طول فتره حمالي فرحانه لان عمتي بتكون وياي بالدختر وبتسلم ع الناس

الله يخلي الوالده واخواتي واخواته واهله مابيقصرون بس تصدقون

كنت طول فتره الحمل وانا افكر بعموه بتكون ويايه وبستانس انها بيبني

والله فيني صيحه

احين قاعده اقول جان زين في شي ياخر موعد الولاده

فكرت اني اول مااربي بدال ماروح بيت امي بروح بيت عمتي وبقعد وياها اسبوع

عسب الناس تزورني هناك مب مشكلهـ … بس مب كل الناس بيزوروني هناك مب مشكله عادي

اهم شي عمتي تشوف ولدي >> ان شاء الله الله يظهره بالسلامه

واهم شي تمسكه و تيوده ,, ماكنت اتمنى اول حمال لي عمتي محد ولكن قدر الله وماشاء فعل

بنات صدج لاتستغربون مني قولو لي في حد طوف موعده ع الاقل شهر كامل ؟

بس شهر ..؟؟ مفكره ماامشي موليه يمكن ماربي سريع >< وبنفس الوقت اقول بروح بيت

عموووه وع الاقل بيعوض وجودها بالدختر

مع اني احب امي وايد بعد الله يخلي امي

بس منو منكن ماكانت عمتها موجوده وياها ؟؟ وهي بالدختر

حازه في خاطري صبروني باي كلمه لان طول عمري افكر بهالشي

يمكن تقولون سخيفه بس صدقوني وجود عمتي يريحني ,,

( انا ماقصد عمتي وقت الربى تكون وياي انا وقت الربى يمكن اخذ اختي او حميتي لو بغت لانها رمستني .
انا اقصد قعده الدختر لمده 3 ايام ع الاقل اشوفها ينبي ولكن حكمه الله فوق كل شي )
والله يرحم امواتنا واموات المسلمين

خلاص الغلااااااااااااا
لاتزعلين عمرج انزين بدل ماتيلسين بيت اهلج ايلسى عند عمتج واكييييييييييييد هى مابتقصر فييييييج
والله يحفظهاا
ويديم المحبه

انتي زعلانه على عمتج ما بتحضر ولادتج ؟؟
عيل شو تقولين عني لا عندي أم و عمتي مزاجيه ما تبا بس …
الله كريم..

الله يعينا بس و يسهل ولادتنا ..

والله بس كتبت الموضوع واتريى ردود برتاح
حتى لو ردودكم نفس فكرتي
اهم شي بهالشي انا ارتاح

ان شاء الله بقعد وياها يالله بنحاول نعوض بناتها مابيقصرون > < ..

مشكوره ع مرورج شيختي,^^

جوفي هالمره ربي بدون عمتج وانشالله المرات اليايه تكون معاج بس تدرين انا عندي لج فكره اول ماتربين انشالله اذا كانت ولادتج طبيعي اقعدي اول يوم وثاني يوم اطلعي ردي البيت ترا عادي وبالمره عشان محد يزورج فالمستشفى ويزورونج بيت عمتج وقعدي عندها اسبوع وسوي السابعه عندها وخلها اتحسن البيبي وتستانس فيه

انا عمتي مسافرة اصلا
وبسير المستشفى ويا ريلي…
عقب ما اربي؟؟؟ بنخبر امي وعموووووووه
ارتاح مع ريلي اكثر من البقية,,
اصلا امي صيوووووووووحه,,,,,وصياحها صوت عالي؟؟ محد من خواتي يخبرها,,
لازم يربون وعقب يخبرونها,,قلبها رهيف فديتها