ابا معلومات عن الكويت
لاني انشاء الله بروح
ابا مراكز و اماكن لليهال
وكل الاماكن الحلوة
بما أني كويتيه حبيت أرد على موضوعج وأساعدج عن اللي تسألين عنه
أولا أماكن التسوق :في العاصمه
سوق شرق-الصالحيه -الفنار-أسواق السالميه -المارينا مول –
في الفروانيه :المجمعات:
عربيد بلازا-حمرا مول -مغاتير وفيه مراكز كثيره ولاتنسين مجمعات العربيد الخياطين روعه يفصلون دراريع حلوه
والمجمعات اللي أروح لها
كويت ماجك ( حلو وأسعاره زينه) وعنده حديقه فيها ألعاب وطال علي البحر -الكوت (كل المحلات اللي فيه عالميه يعني غالي وحلو التمشي فيه لانه طال علي البحر وعلي مرسى السفن أغلب المجمعات علي البحر. –المنشر وهو عباره عن فندق ومركز تسوق
أماكن الترفيه كثيره بس أحسن مكان تودين عيالج له يلهون وبنفس الوقت يتعلمون هو ( المركز العلمي ) لان فيه أسماك وكأن تسبح عندج لان الأحواض كبيره جدا ويشوفون الغواصين تطعم الاسماك .وفيه سينما ثلاثيه الابعاد ( واللي أعرفه أن هذا هو المركز الوحيد بالشرق الاوسط)—- المدينه الترفيهيه -حديقة الشعب – مرح لاند-
وأغلب مراكز التسوق اللي في الكويت فيها أماكن ترفيه للاطفال ( العاب طفل المستقبل )
وأخيرا أتمني لك طيب الاقامه في الكويت , وأنتي بين أهلج
شكلي بركز على مجمعات العربيد 
( شغل حريم )
والمركز العلمي حلوووو حيييييييل ويشوفون الاسماك بقاع البحر على قرب
تحياتي لتس
وانشاء الله بوديهم