منو رفضت عريس بسبب شكله الخارجي ؟؟؟؟؟؟ هل تؤيدون هالشي ؟؟؟ الملقوفات والمتزوجات حياكم

عندي ربيعتي رفضت واحد بسبة شكله مب نفس اللي هي تحب واصلا ما كان حلو مع انها تنازلت عن وايد من المواصفات اللي هي حاطتنها في بالها مثل الاهل والعمر والشهادة ولما شافته قالت فوق ها كله بعد شكله مب حلو خلاص ما بوافق مع انهم كانوا وايد يمدحون اخلاقه بس قالت يعين شو اوافق على ميزة وحدة بس ويمكن بعدين يطلع لا اخلاق ولا بطيخ يعني بكون طلعت بـ ولا شي

الحين البنات بيون يقولن الشكل مب كل شي تخييلي ييج واحد بدون اخلاق بس حلو … انزين ما يخصه اكيد احنا ما نبغي واحد جي ليش ما يي يعني واحد اخلاق وبنفس الوقت حلو..

ووحدة بتقول مب حلو يكون اخلى عنج والجمال للبنات… بعد ما يخصه اجنا ما نقول واحد حلو واحلى عنا.. اكيد كل وحدة تحب شكل معين وهذا اللي تباه وبنفس الوقت ما بيكون احلى عنها..

يعني مثلا واحد اسمر عنها بشوي او نفس لونها ما تبغي واحد ابيض وواحد ملامحها رجولية مب بناتية… فكيف بيكون احلى عنها؟!