مرحبا خواتي ..
بدخل في الموضوع على طووول ..
بس حبيت منكم تفيدوني اذا في احد يعرف عن الحمل العنقودي ..
انا قريت في النت ورحت عند دكاتره ..
بس ابى ناس يعرفون احد صار له هالشي ..
*
*
مشكلتي خواتي باختصار ..
اني متزوجه بكمل السنه الثالثه على خير ان شالله ..
حملت اول مرة وسقط عني الجنين من اول شهر ..
عقب شهرين حملت وطلع لي حمل عنقودي عقب سويت غسيل قالولي صبري 6 شهور عقب احملي …
وعقبها صبرت 5 شهور و حملت مع انهم قالولي نااادر يتكرر الحمل العنقودي بس تكرر عندي للمرة الثانيه وسويت غسيل ..
قالولي صبري سنه عقب احملي ولو تكرر عندج نصحوني اني ما احمل لانه بيتم يتكرر وممكن يؤدي للسرطان وينتشر فكل الجسم لان الحمل العنقودي عباره عن خلايا سرطانيه…..!!!!!
وصبرت سنه وكمن شهر فوقهم … وحملت بس تكرر للمره الثالثه للاسف والحمدلله ع كل شي ..
فما اعرف انا خااايفه يتم يتكرر ..
ابى افادتكم اتعرفون احد مر فنفس الشي … يعني تكرر هالحمل العنقودي .. وعقب حمل طبيعي ..؟؟
استغربو الدكاتره وقالو لي ان هالشي ما يتكرر الا نادر جدا"…
وهرموناتي الحمدلله تنزل اوك ..
موب عارفه شسوي .. ابى ياهل يقولي ماما ..
ابى افادتكم ونصايحكم ..
ان شالله ربي يرزقني بطفل … ادعولي خواااتي ..
.
يمكن لازم المدة تكون اطول وانصحج بالادويه الشعبيه الطبيعيه فالبيت اللي تنظف الرحم وقت الدوره والصبري ماعليه انتي بعدج انا خمس سنين ماسمعت ماما والحين الله رزقني بالحمل والله يثبته لي من غير اسباب بس كنا صابرين والحمدالله ع كل حال
الصراحه اول مره اسمع فيه
وسوي مثل ما قالت الاخت تمي سنه بدون حمل وفترة الدوره شربي اعشاب عشان الرحم ينظف
والله يرزقج يارب بحمل سليييييم وتسمعين كلمة ماما آآآآمين
المشاركة الأصلية كتبت بواسطة ام شما2019 
تسلمين الغاليه ع المرور ^ـ^
ويعين الجميع ان شالله ..
المشاركة الأصلية كتبت بواسطة إدعولي يمكن لازم المدة تكون اطول وانصحج بالادويه الشعبيه الطبيعيه فالبيت اللي تنظف الرحم وقت الدوره والصبري ماعليه انتي بعدج انا خمس سنين ماسمعت ماما والحين الله رزقني بالحمل والله يثبته لي من غير اسباب بس كنا صابرين والحمدالله ع كل حال
الله يفرح قلب اختج ان شالله ويتمم لها ع خير ^^
استخدمت ادويه شعبيه عشان تنظف الرحم .. بس الحمدلله ع كل حال
وصح كلامج ان الله مع الصابرين ..
تسلمين الغاليه ع المرور ^^