السلام عليكم خواتي الفزعة
ناوية اسافر العمرة والكل ينصحني بطيران ناس والسبب رخص التذاكر
عيالي صغار وياية وعمتي حرمة عيوز مافيني ع البهدلة
الفزعة خواتي اللي تعرف عن ناس ياليت تفيدني
ناوية اسافر العمرة والكل ينصحني بطيران ناس والسبب رخص التذاكر
عيالي صغار وياية وعمتي حرمة عيوز مافيني ع البهدلة
الفزعة خواتي اللي تعرف عن ناس ياليت تفيدني
انا جربت طيران ناس العام لعمرة رمضان
عند الذهاب تاخرت الطيارة ساعه ( وهذا شي عادي وممكن يحصل في كل الطيارات الاقتصادي والا غيرة )
وعند الاياب طارت الطيارة في الوقت المحدد
الطيارة لاباس فيها زينه بس انصحج يوم تحجزون التذاكر ما تختارون اخر الكراسي
لانه بيزعجنكم صوت محركات الطيارة
ولا في الوسط عند الجناحات
بس انا اقولج توكلي على الله واحجزي
وان شاء الله اذا ربي كتب لي عمرة بحجز على طيران ناس
الغالية انا سافرت مرة على طيران ناس يوم كنت حامل والحمدلله اوكي كانت الطيارة .. بس هي صغيرة يعني سيد كرسيين وسيد 3 كراسي .. ومقاعدهم مش كبيرة وايد .. والاكل ببيزات
زينة حق العمرة انا رحت فيها العمرة العام الماضي
توكلي فديتج
توكلي فديتج
طيران ناس جيد جدا بصراحه تعاملهم رائع وممتاز انا مره رحت للمطار وعندي حجز ولقيت الطياره متاخره وطلبت الغاء الحجز ولغوه وعطوني رصيد بقيمة التذاكر مفتوح سنه كامله والمقاعد جيده ومريحه الطياره طبعا ضيقه مو مثل طيران الامارات او السعودي لكن للسفر القصير ساعتين او ثلاث ما يأثر
صراحة انا ما عيبيني هالطيران ،، مووووول مب شي
الطيارة صغيرة و صوت المحركات مززززززززززززززززززززززعج حلفت ما اسير ويا اهلي اذا ساروا في هذا الطيران مره ثانيه،،
اختي شوفي طيران الامارات تراه ارخص من ناس