منو تعرف كريم ينفخ الكفين وعن تجربه

السلام عليكم ورحمة الله وبركاته
خواتي بسألكن منو تعرف كريم ينفخ الكفين؟ بس ياريت عن تجربه

شكرا عزيزاتي

حبيبتي ما في كريم خاص ينفخ الكفين اذا كان البوتكس والفلر ما يرومون يحطوه فالايد لانه يضر فكيف الكريمات .. انتي لاحضي كل اللي مسوين عمليات تجميل ترومين تعرفيهم من خلال الرقبه والايد لانها ما يرومون يسولها شي !! لذلك انصحج نصيحة ما تلعبين ولا تجريبن شي لانه ممكن ضرره اكبر من فايدته لكن اذا عندج مشكله بالايد او خطوط وحابه تخفيهم استخدمي الوتر بروف بيز اللي يخفيلج كل عيوب البشرة وحتى الايد وما يعلم على الملابس او اي شي تستخدميه اي استفسار ثاني حياج الله

مشكورة م.عيون المها على النصيحة ما قصرتي الغالية .. انا مشكلتي عروق الايد ظاهرة عشان جي أبغي انفخها شوي .. ووين احصل الوتر بروف بيز؟ اي ماركة ؟

فديتج ها موجود بكل مكان ميك اب ستوديو او حتى ماك وتر بروف يعني يوم تغسلين ايدج ما يخوز شرات الفنانات وال ممثلات تره كله نستخدم ها الطريقة بالمكياج كله نخفيه اذا عندج وتر بروف فاونديشن بيز (لايت او ثك ) عادي بس اهم شي تخليه ينشف شوي وما تحطين كمية كبيرة وايد تج بسيط بيختفي كل شي وترومين تستخدمين بدي باودر اللي هوه مال جسم مب مال ويه لان مال ويه لعوووووزه يخلي عبايتج تستوي بيضه ههههه هيه واذا تبيه ما يعلم ابد وما يخوز استخدمي الميك اب سبري بعد ما تخلصين رشي بخة بسيطه على ايدج يكون مثبت

والاحلى من كل ها لو انتي عندج مشكله العروق ظاهرة في شي وايد سهل وبتحصليه حتى بكارفور اللي هوه مال جسم بتحصليه بيكون سبري نفس لون البشرة وترشيه على ايدج على طول ينشف وما يعلم على اي شي حتى الحبوب اللي بالجسم يخفيهم ..

اي استفسارات ثانية حياججججج الله
اختج عيون المها

كريم ينفخ الكفين؟ اول مره اسمع عنه وماظن فيه

ما شاء الله عليج ما قصرتي فديتج 🙂
كان ودي بشي طبيعي .. الله كريم
هالأشياء احسها للمناسبات ممكن لكن بشكل يومي في البيت ماينفع

م. عيون المها طرشتلج رسالة خاصة ممكن تشوفينها ما عليج أمر 🙂