شحالكن خواتي عساكن بخير
ربيعتي اتنشدتني اذا في حد اتعامل ويا البنفسج ولا لأ
بالنسبة للشغل اذا بيغشوونج شرا الباقين ولا شغلهم نظيف وثقة
لأنه ربيعتي سارت لهم وقالولها تدفع كامل المبلغ قبل الحفلة باسبوع
مع انه اللي تتكلم طييووووبه بشكل واتركب لج افكار يعني وحدة فاهمه شغلها
بس للاطمئنان تبا اتعرف حد اتعامل معاهم أو لا
وتشكرات مقدما
اختكم
الخرشة
عاد صار لي سنة وانا اتريا الرد خخخخخخخخخخ
اول مره رحت عندهم قالولي بيسوون كل شي و بعدين كل ما اتصل ما يردون علي و آخرتها اضطريت اروح انا و اختي و ريلي و قعدت الحرمه تطول لسانها على اختي و تقول اذا تبون الشرطه ييبوها نحن ما نخاف!!
و سبحان الله ما ادري ليش كل مره كنت امر عند محل ابداع مالت الكوش خاطري ادشه، دوم يحطون اشيا وايد حلوه ع الفاترين.. هالمره دخلت و هديت اختي و ريلي يتضاربون عند البنفسج
و يوم خبرت الحرمه بالسالفه قالتلي هذول دومهم مطيحين في قسم الشرطه و اخرتها يطلعون مثل الشعره من العيين!!!
و بعد كل الضرابه ما رضت تردلنا البيزات فقلنا امرنا لله زين ما عطيناها غير 3000 بس و الله فيني غضه لان قلنالها بهالبيزات سويلنا بطايق الحريم و قهرتني يوم طبعتهم كتبت اسم ابوي غلط و انا متأكده هي سوت جي عشان تقهرني
و الحمدلله سويت كوشتي عند محل ابداع و في محل اللي حذالهم ما اذكر اسمه، يوم ربت الحرمه ما قدرت اتواصل وياها فخبرتني اروح عند اختها في المحل الثاني.. و الله ما رحت عندهم غير يوم واحد و رتبتلي كل شي .. و بطايق الرياييل طلعت تخبل اكثر من مالت الحريم
و مول ما كلت هم الكوشه لان حسيت من اول ما دشيت عندهم براحه غريبه! و الله ما امدح في الحريم هذول بس صج تحسينهم جنه عرسهم و انا طلبت شي بسيط لكوشتي و بدون ورود لان كوشتي الريدي عباره عن ورود كبيره على اليدار و كلها كرستال و زجاج مكسر بس هي ركبتلي قيثارات ع الاطراف و حطتلي مخدات صغار و اشيا وااايد
كل الناس تخبلوا ع الكوشه الحمدللع
بعدنا ما حجزنا عندهم
وابداع هذا لي تطرينه في الشارجة ولا في بوهيل؟؟
لاني رحت البنفسج لي فبوهيل
اختج
الخرشة
ادفعي شوي و خلي الباقي بعد التركيب
ولازم تقرين بنود العقد عدل قبل التوقيع
وحتى وزارة الاقتصاد دوم اتنبه الناس لمثل هالموضوع ( مرة سمعته في البث المباشر)
وحتى لو قالت لازم تدفعين لا ترضين قوليلها شو ظمني اني احصل كل اللي اباه
ومسكات عرايس وتوزيعات وفواكه غريبه نسوي بعد