منو تعالجت بالادوية من اكتآب بعد الولادة؟

السلام عليكم شخباركم خواتي؟
طبعا انا حطيت قصتي من قبل ويا اكتآب بعد الولادة
وأكثر شي كان متعبني اني استويت مول ماروم ارقد
وكله اتييني أفكار اني بخسر ريلي وبنتي. وحياتي بتتدمر وكرهت كل شي كنت احبه وما اهتم بنفسي ولا اجابل بنتي كله عند أمي وهذا كله لاني ما ارقد ضعفت و شحبت ومافيني طاقه ولا تركيز و متشتته!
تعبت وايد من موضوع النوم واضطريت اروح حق دكتور نفسي عقب عطاني حبوب مضاده للآكتاب + منوم حق كم يوم عشان ارجع ارقد شوي واقطعه
خذت العلاج أسبوع وقطعته لاني ما ارتحت حق دوا الاكتآب يباله شهور وفيه أثار. جانبية
تميت أسبوع بعد ما قطعته مرتاحه وارقد رقاد خفيف متقطع يعني أفضل عن قبل مع اني راقده و مب راقده
البارحه رديت انتكشت و مول ماقدرت ارقد وتميت متضايجه طول اليوم و رحت للدكتور و قررت أكمل العلاج
بسس خايفه منو مرت عليها. شرات حالتي اتعالجت و ردت بخير؟

روحي عند دكتورة نسائية وسوي فحص فيتامين دال وحديد وخبريها انج مربية قريب هي بتتفهم حالتج اكثر وبتخبرج شو الفحوصات اللي محتاجتنها وشو عليج تسويه
عدلي نظام اكلج ويكون صحي وامشي شوي
اذا امج متعلمه خليها تقرا المعوذات والأذكار في ماي زمزم واشربي قراية الام تطلع من القلب والله الحافظ

الله يشفيج ويعافيج
ويبعد عنج الكآبه ..

الله ايسر عليج ويشافيج ويعافيج ..

فترة و بتروح بإذن الله ..

أنا من ضمن الناس الي يصيدهم اكتئاب بعد الولادة و ايضا وساوس غريبة عجيبة هههه استغفر الله .. و أحاول أني اختلط بالناس اكثر عشان أتلهى عن هالشي و أنسى شوي شوي .. و أتقرب من الله و دووم أشغل الأذكار وسورة البقرة لو بتلفوني و أخليها صوبي وصوب النونو ..

نصيحة مني كملي دواج لفترة قصيرة إذا هو ما يضر الرضاعة و دام حسيتي براحة عشان تشفين و تتفرغين لرعاية صغيرتج و الاستمتاع بفترات طفولتها المختلفة .. بس انتبهي يا اختي لو كنتي ترضعين عشام الأدوية مب زينة حق المرضع عسب ما تأذين البيبي ..

اختلطي بالناس و تفاءلي بالخير و هذي أيام مباركة يا أختي لو ماعليج صلاة مثلا اكتفي بقراءة القرآن و الدعاء و تفااااااائلي ﻷن هالشي يصيب أغلب الحريم وهذي طبيعة المرأة سبحان الله ..

أتمنى لج الراحة و السعادة عزيزتي

سيري عند أحمد النجار.. كل شي طبيعي و يتبع السنه وما يستخدم أدوية ابدا و ما بتندمين.. لا تفكرين في الأدوية لانها تسبب إدمان وما تقدرين اتودرينها.. النجار عيادته في دبي بتحصلين رقمه في النت.. تبين تفاصيل أكثر كلميني بالرسايل

حبيبتي ممن تعطيني تفاصيل التواصل مع النجار ؟ هل هو طبيب نفسي و وين عيادته

الغاليه .. ترى عادي الاكتئاب .. انا كانت تييني ضيييقة احس خلاص بختنق ابي روحي تطلع واصيح فجأة خخخخ الحمدلله على كل شي ..

ياللي ساعدني اول شي تركي الوسواس ..

بخسر بنتي وريلي .. والخ .. اول ما تفكرين جيه استغفري واستغفري عاندي نفسج والوسواس والشيطان بالاستغفار عشان ما تفكرين

وفكري بالأجر من ورا الاستغفار .

ثاني شي عادي مضايقة صيحي بس في حضن امج اختج .. لو ريلج من النوع المتفهم .. المهم ما اتمين بروحج ..

ثالث شي وياريت تسوينه .. يبي ورقة وقلم ..

كتبي ليش انتي مضايقة 1. 2. 3. بتكتشفين انه مافي سبب حقيقي .. بس وسواس

وكتبي شو النعم اللي عندج .. يا اختي والله انه في الاف يتمنون يكونون مكانج ..

الحمدلله انتي بصحه وريلج معاج واهم شي بنتج بصحه وبخير الحمدلله ثم الحمدلله ..

ليش تخلين الوسواس اللي ماله سبب يضيق عليج حياتج .. كل ما بديتي تفكرين وتكتأبين شردي ..

والله شردي حق امج .. اختج .. اذا فيج شده طلعي مع ريلج لو لفة كرك او عصير .. المهم لا تمين بروحج ..

خصوصا انتي ما عليج صلاة الحين ومب محصنه الشيطان والنفس تستقوي ..

واكثري من ذكر الله .. ألا بذكر الله تطمئن القلوب ..

ولا تبين ادويه ولا شي.. والنوم كلنا مرينا بهالمرحله .. لا تحاتين متى بنام وليش ما انام عاااادي..
وع فكره امسكي مسباحج واستغفري بيقيــــن وتركيز 500 مره بتشوفين بييج النوم وبتتثاوبين لأنه الشيطان ما يبيلج الخير ولا تحصلين الاجر ..

الله يشفيج ويهدي قلبج ويريحج