منو تحب الزراعه مثلي

السلام عليكم ورحمة الله وبركاته خواتي أنا وحده احب الزراعة واااااااااااايد ف البيت طبعا بس محد يشجعني بس وقت العصر بعد المذاكرة والضرائب ع الواجبات منتهى من كل شي وين اليلسه ف الحوش يتني فكرة شفت موا عين ودبات ما ليها لازمة اخذتهم وسويت العجايب الي مليته رمل والي حطيت ماي وسرت الثلاجة ويبت النعناع والفلفل الحار والريحان والبطيخ اللي جمعت البذور وين السير ع الزراعه والله ياخواتي انها وناسة وراحه واليهال فرحانين اونه نزرع وان شاء الله بطلع الصور وبتشوفوا زراعتنا ليش ماتقول كل وحدة شو زار عه ف بيتها ونتبادل المعلومات من بينا وابا منكن أسماء لبعض نبات الزينه ريحته حلوة يالله اتريا افكاركم واقتراحاتكم وترا الزراعه والخضرة حلوة فالبيت وف وداعة الله

ماشاء الله عليك انا بعد احب وكنت وانا صغيرة ازرع في بيتنا لانة كان في حوش

بس اللحين للاسف بشقة مافي مجال

موفقة اختي وحلو الواحد يشوف له هوايه تتثمر امامه

ربي يوفقك

اختي طيف شكرا عالرد ولاتقولي مافي مجال اذا عندج بلكونه او الشباك او ف المطبخ اي وعاء مستغنيه عنه زرعي فيه ريحان الله يريحة الريحان او الفطن علا مااظن الحبق وادعيلى

انا انسانه اموت فى منظر الزراعه من يوم كنت فى بيت ابوى وانا ازرع واهتم وايد فيه والكل يعرف احيد زرعة لوزة ورمان والحين اكبار موجودين وامى دوم اذكرنى فيه والحين زارعة فى بيتى وايد والحمدالله طالع منطرة حلو وعشان الريحه انا زارعة فله وجورى وفى اورود حلوة سيرى اليناء و بتحصلين اشياء وايد حلوة الله يوفقج

هلا ام عروب
وايد بتحصلين يحبون الزراعة ومنو مايحبها
حياج في تجمع حديقتي بتحصلين كل محبات الزراعة وراح تستفيدين من خبارتهن

رايي مع راي اختي اروى الهاشميه

عزيزتي
احنا مجموعه من محبي الزراعه.. سوينا النا تجمع للزراعه
نتبادل فيه المعلومات والخبرات والصور
وحالياً بدا عندنا موسم زراعة الخضروات والكل شاد حيله في التجمع بتجهيز المشتل للزراعه
وفي صور لحدايقنا ومشاتلنا

تجمعنـــا الخامســـ .. ツ】ઇ需✿`•. 7adee8ty .•`✿需ઇ【ツ
https://forum.uaewomen.net/showthread.php?t=920726

وفي نخبه من المزارعات الشاطرات وقريبا بيتم افتتاح التجمع السادس
حياج الله معانا بنسعد بأنضمام عضوه جديده معانا تشاركنا حب اللون الاخضر

واي اخت تحب الزراعه تشرفنا في التجمع وحياكن الله

لا حول ولا قوة إلا بالله