منو بتساعدني في سوره البقره

السلام عليكم خواتي طبعا انا موظفه وعندي هموم الدنيا واحس دوم بظيجه بغيت طريقه اوزع فيها سورة البقره بحيث انه اليوم يوم يخلص اكون انا خاتمه كل سوره البقره يعني خبروني جزاكن الله خير كيف اقدر اقراها بطريقه تخليني اقراها كامله لاني ما اقدر اقعد اقرى ساعه كامله نظرا لطبيعه شغلي وانشغالي طول والوقت بس احس اني ابغي اجرب واشوف بعد ما قريت عن تجارب البنات اللي قروها واتحلت مشاكلهن من وراها يا ريت كل وحده اذا كانت مقسمه قرايتها تخبدني والله يجزاكن الف خير والسموحه

فديت رووحج والله اول شي طول ماانتي في السياره اشتري شريط السديس بسورة البقره انزين كل ماتروحين مكان وانتي في سيارتج اسمعيه وكل مايخلص عيديه مره ثانيه وثالثه وعاشره

هو اصلا50صفحه سورة البقره لو كنتي تسمعينه 24ساعه بيكون سهل عليش وحطي في بالش شي وااحد انه بعطي ربي من هاليوم الكاامل مثلا ساعه ونص او ساعتين بسسس بتقرينه كله وبسرعه بتخلصينه ولاتنسنيني من دعوااتج ^^

تسلمين الغاليه وشكرا علي ردج تراني اداوم في مكان قريب من بيتي ما يمديني اسوق سيارتي الا وانا واصله الدوام اريد طريقه تخليني اقراها بدون ما اقعد ساعه ونص لاني دوم مشغوله يعني ممكن يوم اصلي او يوم يكون عندي بريك بس مشكلتي دوامي الحمدلله ما يعطي حد فرصه شو اسوي

السلام عليكم ورحمه الله و بركاته
اختي عسب تسهليين ع عمرجاختي احسبي عدد الصفحات واقسميهم ع 5 (عدد الصلاوات باليوم)
نفترض عدد الصفحات 50 صفحه تقدرين تقسمينه ع 5 (عدد الصلاوات) وجي تقدرين تقرينه كل خمس صفحات (وجه وظهر) وما يمر اليوم الا وانتي مخلصتنه ان شاء الله

واشاء الله البنات يفيدونج اكثر اذا عندهم طرق اسهل

تقبلي فائق الاحترام

وزعي عدد الصفحات علي عدد الصلوات
اي بعد كل صلاة تقرييين خمس صفحات او اربع وبجذي بتخلصين كل البقره
بالتوفيييييييييق

سلام عليكم ورحمة الله وبركاته

انا بقترح عليج
حاولي بعد كل صلاة تقرين 10 صفحات بتخلصين
أو بين فترة أو فترة اقري شوية مثلا في الدوام لو عندج وقت 5 صفحات، بعد العصر زيدي،بعد المغرب شوية او قبل النوم خلصي .
بالتوفيق أي خدمة أنا حاضرة

عزيزتي تقدرين تقرين 10 صفحات بعد كل صلاوة لانها 49 صفحة
10 صفحات بعد صلاة الفجر
10 بعد صلاة الظهر
10 بعد صلاة العصر
10 بعد صلاة المغرب
9 بعد صلاة العشاء
وبتكونين ختمتيها