خواتي بغيت اسأل منوه فيكم سوت عملية المنظار الرحمي اللي تم تحت مخدر عام؟
انا اتعالج عن تاخر الحمل وسرت عند كذا دكتور وكلهم قالوا لي اني انا وريلي ما عندنا اي مشكله , بس اخر دكتوره رحت لها نصحتني اني اسوي عملية المنظار الرحمي اللي بيخدروني فيها ببنج عام طبعا هيه نصحتني اسويها لان سبب تاخر الحمل عندي غير معروف ومثل ما قالت ان هاي العمليه بتعطي صورة ادق ويمكن ينعرف السبب, للعلم انا سويت اشعة الصبغه وما كان في اي شي الحمدالله 
الحين سؤالي عقب كل هالهذره خخخ منوه فيكم جربت هالعمليه وعند اي دكتور سوتها؟ وهل استفادت من هالعمليه والا مثل العلاجات اللي ناخذها بدون فايده؟
والسموحه على هالاطاله بس بنات بليز ساعدوني لاني محتاره اسويها والا لا ووين اسويها (الدكتوره نصحتني بالدكتوره عليا في مستشفى الوصل)
بس بعد بغيت استشيركم
مادام انتي وريلك مافيكم شي ,,, اصبري شوي قبل لا تسوينها ,,, وخذوا خلطة العسل وغذاء الملكات خلطة مقويه
واكثروا من الاستغفار وان شاءالله تبشرينا قريب
وان شاءالله البنات يفيدونك عن الدكاتره
و انا خايفه منها واااايد ….و ما اعرف عند منو اسويها ؟؟؟؟؟؟
اذا توصلتي لنتيجه و حد عطاج : دكنوره زينه : يا ريت تخبريني و تفيديني وياج يا الغاليه عالخاص …انا قلت اذا في عمليه بسويها احتمال عقب رمضان … لان خاااااااااااااااااااااااااطري احمل مره ثانيه …
و انا بعد نفسج : سويت فحص الانابين و طلع و لله الحمد سليم ….
و اذا ممكن اسالج : اختي عند اي دكتوره انت تتعالجين حاليا ؟؟ لاني ادور : عياده و دكتوره زينه
و مشكووووووره و عسى الله يرزقني و يرزقج و يرزق كل محرومه …. باذن الله سبحانه و تعالى ..