منظفات للجسم حق البشكارة يديده

بنات شو تشترون منظفات ع البشكارة يديده يعني حق جسمها

شو ملابس تاخذون لها

يوم تطلع شو تلبسونها

المنظفات صابونات لوكس وعندك لاف بوي
بعد شو تبا وعندك وانتى بكرامه مزيل للرائحة
وملابس يونفورم

انا اشتري جلابيات الرخيصة في عشرة و عشرين …

وتنورة و قميص حق الطلعات من هالمحلات الرخيصة …

ونعالين واحد للبيت وواحد حق برع …

و عن المنظفات … شامبو و صابون و مزيل للرائحة و فازلين …

شرات ماقالت الإخت .. وبعد فرشاة أسنان ومعجون وفيكس ^^هذا شيء أساسي عندهم وخاصة الفلبينيات ^^..

لو تطلبين نقل موضوعج إلى قسم التجارب أفضل ،، وبيكون في تفاعل في الموضوع ..

والسموحه .

بالنسبه للمنظفات

-صابون للوجه و الجسم (ديتول ولا لايف بوي .. زين لانهم يشتغلون طول اليوم و ها معقم في نفس الوقت)
-شامبو .. (( في الانواع الي تكون كبيره وتكفي فتره طويله .. لانها اكيد لازم تسبح مرتين في اليوم عشان النظافه وريحه الطباخ ما اتم ضاربه فيها طول اليوم ))
-مزيل رائحه عرق
-فازلين + فيكس + لوشن نيفيا
-فرشاة + معجون
-كوتكس

*** (( هاي الاشياء تقدرين تيبيلها كل شهرين كيس فيه منظفات.. ))

-يونيفورم : عدد 3 .. لانها بتحتاج تغيره كل يوم و تغسل .. عشان ما يتبهدل .. واليونيفورم .. اسهل في الحركه و اريح للخدامات .. هو يرتاحون فيه اكثر من الجلابيه ..

-بجامتين .. للنوم .. وحده كم طويل .. و وحده كم قصير .. (( ومع الوقت اكيد انتي بتعطينها شي من الي عندج و ما تلبسينه وايد .. يعني يال بتعقينه عطيها شي منه .. يفرحون فيه ))

-للطلعات: بنطلون جينز و قميصين شوي طوال عشان تلبسهم ويا الجينز .. لانه مثل ما قلك البناطلين اريح في الحركه و المشي .. والقميص يكون فوق الركب بس المهم انه يغطي جسمها من ورا شوي .. و اذا هيه فلبينيه اكيد بيكون عندها جينزات ..

-ملابس داخليه .. ممكن تاخذيلها الكيس الي فيه 5 حبات .. ينباع في كارفور و الجمعيات الكبيره .. و طبعا ستيانين ..

يعني كله على بعضه ما بيكلف اكثر من 200 درهم .. و ان شاء الله اكون افدتج اختي